საქართველოს უმაღლესმა საკანონმდებლო ორგანომ ახალი რეგლამენტის პროექტი მესამე მოსმენით 77 ხმით 2-ის წინააღმდეგ დაამტკიცა. ცვლილება ძალაში არჩეული პრეზიდენტის ინაუგურაციისთანავე შევა.

ახალი რეგლამენტის მიხედვით, იზტდება პარლამენტის საზედამხედველო ფუნქციები და ასევე, ანგარიშვალდებულებაც.

რეგლამენტში ცვლილებებს დადებითად აფასებს პარლამენტის თავმჯდომარის მოადგილე, ფრაქცია „ქართული ოცნების“ წევრი, გიორგი ვოლსკი. დეპუტატი ახალი რეგლამენტის მეშვეობით პარლამენტის წინაშე მთავრობის ანგარიშვალდებულების ზრდაზე ამახვილებს ყურადღებას.

„საკმაოდ ინტენსიური გახდა მთავრობის წევრების, მაღალი თანამდებობის პირების პარლამენტში მოსვლა, თანამშრომლობა, ანგარიშების მოსმენა,“- განაცხადა ვოლსკიმ.