„პატრიოტთა ალიანსის“ ერთ-ერთმა ლიდერმა გიორგ ლომიამ დღეს სალომე ზურაბისვილის არჩევნებში გამარჯვებასთან დაკავშირებით განცხადება გააკეთა და აღნიშნა, რომ ზურაბიშვილს ხალხის სრული გეტიმაცია არ აქვს, შესაბამისად ის ინაუგურაციას არ დაესწრება.

ლომიას შეფასებას უმრავლესობის რიგებში მოულოდნელი და გაუიგებარი უწოდეს. მმართველი გუნდის წევრები აცხადებენ, რომ ზურაბიშვულის ლეგიტიმაციის კითხვის ნიშნის ქვეშ დაყენება უშინაარსოა:

„აბსოლუტურად ზედმეტია ლეგიტიმაციის საკითხებთან რაიმე ეჭვების გამოთქმა, გამომდინარე იქიდან, რომ სალომე ზურაბიშვილს არჩევნებში, განსაკუთრებით მეორე ტურში მხარი დაუჭირა საზოგადოების აბსოლუტურად განსხვავებულმა სეგმენტებმა. ყველა პოლიტიკურ სუბიექტს აქვს თავისი მოსაზრება, რასაც უნდათ, იმას იტყვიან, მაგრამ როდესაც, დაახლოებით, 400 ათას ხმიანი განსხვავება არის „ნაციონალურ მოძრაობასა“ და ჩვენ მიერ მხარდაჭერილ კანდიდატს შორის, ლეგიტიმაციის საკითხებზე საუბარი აბსოლუტურად ზედმეტია,“- განაცხადა მამუკა მდინარაძემ.

გია ვოლსკის განცხადებით სალომე ზურაბიშვილი მთელი სოფლიოსთვის ლეგიტიმური პრეზიდენტია:

„მთელი მსოფლიოსთვის ლეგიტიმურია, როგორც არჩევნები, ასევე არჩეული პრეზიდენტი და რატომ არ არის გიორგი ლომიასთვის, ან მისი პარტიული ძალისთვის, ჩემთვის გაუგებარია. თანამშრომლობით არ გამოვირჩეოდით, მისასალმებელია ის, რომ პოლიტიკური განსხვავების მიუხედავად, სწორი ხედვა იყო „პატრიოტთა ალიანსიდან“ და არა მარტო „პატრიოტთა ალიანსის“ მხრიდან. ახლანდელი განცხადების თაობაზე ვერაფერს გეტყვით,“- განაცხადა გია ვოლსკიმ.

საპარლამენტო უმრავლესობაში აღნიშნავენ, რომ არჩევნებზე მოსახლეობამ საკუთარი ნება გამოხატა:

„ლეგიტიმაცია კითხვის ნიშნის ქვემოთ ვერ დადგება იმიტომ, რომ ეს არის სამართლებრივი საკითხი და დაკავშირებულია ამომრჩევლის ნებასთან. ამომრჩევლის ნება გამოხატულია და ეს იყო თავისუფალი ნება. მე ქალბატონ სალომეს პიროვნულად ვუჭერდი მხარს პირველ ტურშიც, მეორე ტურშიც, მე ჩემი არგუმენტაცია მაქვს, მაგრამ თუ ვიღაცამ დაუჭირა მხარი იმიტომ, რომ მისი კონკურენტი არ მოსწონდა და ამ მოტივაციით ისარგებლა, ეს ლეგიტიმაციის საკითხს არანაირად არ ეხება. ეს არის უბრალოდ მოტივაციის საკითხი არჩევნების დროს,“- განაცხადა გედევან ფოფხაძემ.