სიტუაცია სოფელ ატოცში - საქართველოს სახელმწიფო მინისტრის, შერიგებისა და სამოქალაქო თანასწორობის საკითხებში ქეთევან ციხელაშვილის განმარტებით, სოფელ ატოცში ამ დროისათვის სიმშვიდეა და რუსი ჯარისკაცების მიერ ახალი ბარიკადების მშენებლობა არ მიმდინარეობს.

„ამ კონკრეტულ მომენტში და ბოლო ინფორმაციით არანაირი სხვა სამუშაოები არ მიმდინარეობს ატოცში ან სხვა მონაკვეთზე. რომელიც უკანონო ბარიკადების მშენებლობას უკავშირდება. რა თქმა უნდა ჩვენი ამოცანა ის არის, რომ პრევენცია მოხდეს, არ ხდებოდეს რეგულარული და მუდმივი პროვოკაციები. და გარწმუნებთ, რომ ადგილობრივი დონიდან, რიგითი პოლიციელებიდან, რომლებიც არიან იქ განთავსებული დღის და ღამის განმავლობაში, მათი მთელი ძალისხმევა, ისევე როგორც სახელმწიფოს ყველა სტრუქტურაში ძალისხმევა მიმართულია იქითკენ, რომ არ მოხდეს პროვოკაცია,“-განაცხადა ქეთევან ციხელაშვილმა.