გვიან ღამით სამართალდამცავებმა სპეცოპერაცია ჩაატარეს, რომლის დროსაც პრეზიდენტის სიძე მინდია გოგოჭური დააკავეს. გოგოჭურთან ერთად აყვანილია კიდევ ერთი პირი - 24 გიორგი რაზმაძე, რომელიც სპეცოპერაციის შემდეგ, გლდანის მერვე სასჯელაღსრულების დაწესებულებაში გადაიყვანეს, რადგან მას ბრალი დაუსწრებლად ჰქონდა წარდგენილი. გამოძიების ინფორმაციით, რაზმაძემ რამდენიმე თვის წინ დადიანის ქუჩაზე 35 წლის მამაკაცი დაჭრა, დაშავებული მაშინ სიკვდილს სასწაულებრივად გადაურჩა.
შინაგან სამეთა სამინისტროში "ნიუპოსტს" განუცხადეს, რომ ბრალდებული დაჭრასთან ერთად ძალადობის მუხლითაც გასამართლდება.
საბოლოო ჯამში, რაზმაძის მიმართ 2 დანაშაული გაერთიანდა და მის წინააღმდეგ გამოძიება სამი მუხლით წარმოებს.
კერძოდ: მამაკაცის დაჭრისთვის საქმე 117-ე მუხლით იყო აღძრული, რაც სხეულის განზრახ მძიმე დაზიანებას გულისხმობს.
როგორც ავღნიშნეთ, მეორე შემთხვევაში რაზმაძემ მამაკაცი ცემა, ამ შემთხვევაში გამოძიება საქართველოს სსკ-ს 126-ე მუხლის 1-ლი ნაწილით მიმდინარეობს, რაც ძალადობას გულისხმობს.
შსს დაკავებულს 376-ე მუხლის მე-2 ნაწილით გათვაალისწინებულ დანასაულსაც ედავება, რომელიც ცეცხლსასროლი იარაღის მართლსაწინააღმდეგო შენახვას გულისხმობს.
სპეცოპერაცია ამაშუკელის ქუჩაზე გვიან ღამით ჩატარდა. როგორც გაირკვა აღნიშნული ბიძა გოგოჭურს ნაქირავები ჰქონდა.
შს სამინისტრომ ბინიდან ტყვიაგაუმტარი ჯილეტი ამოიღეს, კორპუსის მიმდებარე ტერიტორიიდან კი 2 პისტოლეტი, რომელიც შსს-ს ინფორმაციით, ბრალდებულებმა სპეცრაზმის გამოჩენისას ბინის აივნიდან გადაყარეს.
გოგოჭურს გამოძიება დანაშაულის შეუტყობინებლობას ედავება.
მასალის გამოყენების პირობები