შესაბამისი გადაწყვეტილება უკვე მიღებულია. უფრო კონკრეტულად, სკოლის პროგრამაში ახალი ახალი საგანი „თავდაცვა და უსაფრთხოება“ შემოდის.

საგანი სამ სავალდებულო სასწავლო თემას მოიცავს: 2008 წლის ომი, საქართველო საერთაშორისო მისიებში და შეიარაღება.

ამ დროისთვის სამხედროების გადამზადება მიმდინარეობს, ტრეინინგების გავლის შემდეგ კი, საპილოტე რეჟიმში პროგრამა 20-მდე სკოლაში ახალი სასწავლო წლიდან განხორციელდება.

საგნის „თავდაცვა და უსაფრთხოება“ სწავლა-სწავლება მიზნად ისახავს:

ხელი შეუწყოს მოსწავლის პატრიოტული სულისკვეთების, სახელმწიფოებრივი აზროვნებისა და მოქალაქეობრივი თვითშეგნების ამაღლებას;

გააცნოს მოსწავლეს საქართველოსა და მსოფლიოს წინაშე არსებული საფრთხეები და მათზე რეაგირების მექანიზმები;

გააცნოს მოსწავლეს სამხედრო საქმის საფუძვლები;

გამოუმუშავოს საგანგებო ვითარებაში უსაფრთხო ქცევის, თვითგადარჩენისა და სხვისი დახმარების უნარ-ჩვევები.

აღსანიშნავია, რომ საგანი არჩევითი იქნება და მისი გავლის შესაძლებლობა მეათე კლასის მოსწავლეებს მიეცემათ.