ქუთაისი - ხონის გზაზე მიკროავტობუსი მსუბუქ ავტომობილს შეეჯახა და გადაბრუნდა. რიგოეც ირკვევა, მიკროავტობუსში კონტრაქტორი სამხედროები იმყოფებოდნენ. თვითმხილველთა განცხადებით, "ფიატის" მარკის ავტომობილი სავალ გზაზე გადავიდა, რის გამოც მიკროავტობუსმა მკვეთრად დაამუხრუჭა, რაც ავტოსაგზაო შემთხვევის მიზეზი გახდა.

არსებული ინფორმაციით, სამხედროები სამსახურეობრივ მოვალეობას არ ასრულებდნენ.

დაშავებული კონტრაქტორი სამხედროები ქუთაისის საავადმყოფოებში გადაიყვანეს.

სასწრაფო-სამედიცინო დახმარების სამსახურში ამბობენ, რომ ადგილზე 3 სამედიცინო ეკიპაჟი მივიდა და დაშავებული 10-მდე სამხედრო ჩხობაძისა და ინტერვენციული მედიცინის ცენტრში გადაიყვანეს.

მედიკოსების ინფორმაციით, პაციენტები მსუბუქად არიან დაშავებულები. სამმა სამხედრომ კი უარი თქვა მომსახურეობაზე.

შსს-ს ინფორმაციით, ფაქტთან დაკავშირებით საქმე სს კოდექსის 176-ე მუხლით აღიძრა.