უცხოპლანეტელთა ხომალდი თუ კომეტა - ასტრონომები უცნაური ფორმის ციურ სხეულს სწავლობენ

პოლიტიკა - 15:27, 05 Dec, 2018

942

2017 წლის ოქტომბერში ტელესკოპმა Pan-STARRS1 უცნაური ფორმის ციური სხეული აღმოაჩინა, რომელსაც პირობითათ "კომეტა" C/2017 U1 ომუამუა (მზვერავი - ჰავაის კუნძულებზე მცხოვრები ხალხის ენაზე) უწოდეს. ამ დროიდან მასზე სხვადასხვა ორბიტაზე თუ დედამიწაზე განთავსებული ტელესკოპებია მიმართული. იმ პერიოდის განმავლობაში, სანამ იგი დედამიწის მახლობელ სივრეცეში იმყოფებოდა მეცნიერებმა უამრავი ფოტო თუ სხვა სახის მონაცემები მიიღეს. მეცნიერებმა დაასკვნეს, რომ ის ასტეროიდი უფროა, ვიდრე კომეტა და სხვა კლასიფიკაცია - 1I/2017 U1 მიანიჭეს.

ციური სხეულისთვის სახელი "მზვერავის" მინიჭება განაპირობა მასზე აღმოჩენილმა დიდი ოდენობით ორგანულმა ნაერთმა მისმა სიგარისებულმა ფორმამ, რამაც განაპირობა იმ ჰიპოთეზის დაბადება, რომ შესაძლოა ეს ობიექტი ხელოვნური, ანუ უცხოპლანეტური წარმოშობის იყოს. ამის საფუძველი ისიც გახდა, რომ ობიექტმა მზესთან მიახლოების დროს მოძრაობის ტრაექტორია შეიცვალა. უცხოპლანეტელთა კვალისმაძიებლები აცხადებენ, რომ ასტეროიდი შორეულ კოსმოსში არსებულმა განვითარებულმა ცივილიზაციამ "გამოუშვა" დედამიწაზე დაკვირვებისთვის, ხოლო სწორედ მისმა წაგრძელებულმა ფორმამ მისცა მას საშუალება ზუსტად მისულიყო დანიშნულების ადგილამდე.

თუმცა, ინსტიტუტ SETI-ის მეცნიერები, ჟურნალ Astronautica-ში გამოქვეყნებულ სტატიაში აცხადებენ, რომ დედამიწასთან მოახლოების შემდეგ, ასტეროიდ ომუამუაზე ხანგრძლივი დაკვირვების შედეგად მის ზედაპირზე არ აღმოჩნდა ხელოვნური რადიო ან სხვა სახის სიგნალების წყარო.

"ჩვენ საკმაოდ მძლავრი და მგძნობიარე ტელესკოპები გვაქვს, თუმცა, 100%-იანი სიზუსტით იმის თქმა, რომ ომუამუა ხელოვნური წარმოშობის არ არის ჯერჯერობით არ შეგვიძლია," - აცხადებენ მეცნიერები.