კონსტიტუციის იმ ნაწილს, რომელიც უზენაესი სასამართლოს წევრებისა და თავმჯდომარის დანიშვნის წესს ეხება არასამთავრობო სექტორი ეხმაურება. აღსანიშნავია, რომ აქამდე ეს უფლებამოსილება პრეზიდენტს ჰქონდა, ინაუგურაციის შემდეგ კი იუსტიციის უმაღლეს საბჭოს გადაეცემა. მესამე სექტორში ამბობენ, რომ კანონმდებლობაში საერთოდ არაფერია დაკონკრეტებული არც თავად შერჩევის პროცესსა და კანდიდატისთვის წაყენებული მოთხოვნების შესახებ.

„მნიშვნელოვანია, არსებობდეს ცხადი და ნათელ პროცედურები, რომელიც ექნება გაწერილი თავად იუსტიციის უმაღლეს საბჭოს და რომელიც საშუალებას მოგვცემს, შევარჩიოთ ღირსეული კანდიდატები და მოხდეს ღირსეული კანდიდატების ნომინირება პარლამენტში. და მეორე, რაზეც დღესაც ასევე ვმუშაობდით პარლამენტში რეგლამენტის განხილვისას, ეს არის თავად პარლამენტს ჰქონდეს მკვეთრად გაწერილი პროცედურები, როგორ უნდა მოხდეს საჯარო მოსმენა კანდიდატების, რათა არ დარჩეს არც ერთი კითხვა არც მათ პროფესიულ საქმიანობასთან დაკავშირებით და არც მათ განვლილ ცხოვრებასთან დაკავშირებით, რომელიც დარჩება პასუხგაუცემელი. სწორედ ამ კითხვებზე პასუხის შედეგად შერჩეული მოსამართლეები შეძლებენ მეტნაკლებად მოიპოვონ საზოგადოების ნდობა,“ - განაცხადა გიორგი მშვენიერაძემ.