"მივმართავ საერთაშორისო თანამეგობრობას, საქართველოში განსხვავებულად მოაზროვნე ადამიანების მიმართ მიმდინარეობს ხელისუფლების მიერ ორკესტრირებული ძალადობის კამპანია"

"მივმართავ საერთაშორისო თანამეგობრობას, საქართველოში განსხვავებულად მოაზროვნე ადამიანების მიმართ მიმდინარეობს ხელისუფლების მიერ ორკესტრირებული ძალადობის კამპანია" - ნიკა გვარამია

პოლიტიკა - 16:54, 04 Dec, 2018

3467

„რუსთავი2“-ის გენერალური დირექტორი ნიკა გვარამია ოპოზიციის წარმომადგენლებზე განხორციელებულ ძალადობას ეხმაურება და საერთაშორისო თანამეგობრობას მიმართავს, რომ მოხდეს მათ ხელთ არსებული ყველა საშუალების გამოყენება, რათა შეწყდეს ხელისუფლების მიერ ორკესტრირებული ძალადობის კამპანია:

“დღევანდელი განცხადებით, დედაქალაქის მერმა კალაძემ კიდევ ერთხელ წაახალისა ძალადობა.

მივმართავ საერთაშორისო თანამეგობრობას:

საქართველოში განსხვავებულად მოაზროვნე ადამიანების მიმართ მიმდინარეობს ხელისუფლების მიერ წახალისებული დევნა.

აღნიშნული ხორციელდება დაფარულად და ღიად, როგორც თბილისის მერის შემთხვევაში, რომელმაც გუშინ არათუ წაახალისა, არამედ ღიად მოუწოდა ძალადობისკენ, ხოლო დღევანდელი განცხადებით კვლავ წაახალისა ძალადობა.

ქვეყანაში, სადაც ოპოზიცია, არასამთავრობო სექტორი და მედია არაერთგზის გამხდარა ფიზიკური ანგარიშსწორების მსხვერპლი, რაც არც ერთ შემთხვევაში არ ყოფილა ხელისუფლების მხრიდან ადეკვატურად შეფასებული არც სამართლებრივად და არც პოლიტიკურად, აღნიშნული წამქეზებლური მოწოდებები იძენს განსაკუთრებით სახიფათო ტენდენციის სახეს.

მოგმართავთ თხოვნით, გამოიყენოთ თქვენს ხელთ არსებული ყველა საშუალება, რათა შეწყდეს ხელისუფლების მიერ ორკესტრირებული ძალადობის კამპანია.”-წერს ნიკა გვარამია.