საქალაქო სასამართლოში თბილისში სპეცოპერაციისას დაკავებული უკრაინელებისა და ერთი ქართველი სამხედროს სასამართლო პროცესი მიმდინარეობს.

ბრალდებულთა თქმით, დაკავების დროს მათი უფლებები დაირღვა, რადგან სამართალდამცველებმა დნმ-ის ნიმუშები უკანონოდ აიღეს.

„ენის ქვეშ ჩამიდეს ბამბისმაგვარი რაღაც, თითქოს „ბრიტვას“ ეძებდნენ და ასე აიღეს ნერწყვის ნიმუში. ასე დაირღვა ჩემი უფლებები“, - განაცხადა ლუკა ჩხეტიამ.

იური კორესტელოვის თქმით, დაკავების დროს კონსულთან შეხვედრა მოითხოვა, თუმცა უთხრეს, რომ კონსულს ტელეფონი არ ჰქონდა.

„პოლიციელებმა ბოევიკი და ტერორისტი მიწოდეს. სასტუმროში დაკავებისას ადვოკატი არ გამომიყვეს, მითხრეს, რომ მხოლოდ სასამართლოში მეყოლებოდა. კონსულის მოყვანა ვითხოვე, მაგრამ მითხრეს, რომ კონსულს ტელეფონი არ აქვს. როცა სასტუმროში დაგვაკავეს, საკუთარი თავი არ წარადგინეს, მხოლოდ სპეცრაზმმა გვითხრა, ვინ იყო. დნმ-ის ნიმუშები უკანონოდ აიღეს. კერძოდ, პოლიციის განყოფილებაში ჩემგან აიღეს ნერწყვის ნიმუში“, – განაცხადა კორესტელოვმა.

ფოტო: პირველი არხი