„რუსული პროპაგანდა აქაც რუსულია! როგორ შეიძლება, ამათ იმ ჟანგიანი იარაღით დაეგეგმათ რევოლუცია, რაც ქართულმა სუს-მა ჩაუგდო"- რადას დეპუტატი

პოლიტიკა - 14:35, 04 Dec, 2018

1054

რადას დეპუტატი, სემიონ სემენჩენკო თბილისში სპეცოპერაციის შედეგად დაკავებულთა უდანაშაულობაში დარწმუნებულია.

მისი თქმით, უკრაინის მოქალაქეების დაკავების შემდეგ, ბევრი უკრაინელი დაფიქრდება, ჩამოვიდეს თუ არა საქართველოში დასასვენებლად.

„რუსული პროპაგანდა აქაც რუსულია. მსურს, ქართველები დაფიქრდეთ, როგორ შეიძლება, ამათ იმ ჟანგიანი იარაღით დაეგეგმათ რევოლუცია, რაც ქართულმა სუს-მა ჩაუგდო, ეტყობა, მეტი რესურსი არ ჰქონდათ, მოეწყოთ რევოლუცია. ჩვენ გვინდა, საქართველო და უკრაინა მეგობრობდნენ. არ გვსურს, ბიჭებს ასეთი შთაბეჭდილება დარჩეთ ქვეყანაზე, სადაც სტუმრად ჩამოვიდნენ. 2014-2015 წელს ეს ადამიანები იცავდნენ უკრაინას, ახლა ისინი იქ ჩვეულებრივი მოქალაქეები არიან. ამის შემდეგ, ბევრი უკრაინელი დაფიქრდება, ჩამოვიდეს თუ არა აქ დასასვენებლად. ეს ბიჭები დასასვენებლად იყვნენ ჩამოსული.

ლუკა ჩხეტია მეგობრებთან ერთად ზუგდიდში მიდიოდა, რონალდ მელოა აბაშაში, მამის საფლავზე. მე ჩამოვედი როგორც დამკვირვებელი, ისინი როგორც მოქალაქეები. იარაღის მიგდება და ვითომ რამეს გეგმავდნენ, არასწორია. ქართულ პოლიტიკაში არასდროს ვერეოდი. გამიხარდება, რომ სიმართლე გაირკვეს. არ მინდა, მჯეროდეს, რომ აქაც რუსული პროპაგანდაა. ვინც ამბობს, რომ მეც მიჭერდნენ, საძაგელი ქურდია. ვინმემ მომმართა? მე და ჩემი ცოლი სასტუმროში ვიყავით, ჩემთან არავინ მოვიდა. მე მოვუყვებოდი პოლიციას, სად იყვნენ ეს ბიჭები. მინდა, რომ ეს ბიჭები გაათავისუფლონ. მინდა, რამენაირად მაინც დავეხმარო მათ“, - განაცხადა სემიონ სემენჩენკომ თბილისის საქალაქო სასამართლოში, სადაც დაკავებულების სასამართლო პროცესი მიმდინარეობს.