საპროცედურო კომიტეტში პარლამენტის უფლებამოსილების გაზრდის შესახებ კანონპროექტი მეორე მოსმენით განიხილება, ხვალ აღნიშნულს რიგგარეშე სხდომაზე კენჭს უყრიან.

საკანონმდებლო ორგანოს აღნიშნული ინიციატივით ფუნქციები მნიშნელოვნად ეზრდება. პარლამენტი ვალდებული იქნება გააკონტროლოს მთავრობის საქმიანობა და მისგან ყოველწლიურის გარდა, ინტენსიურ რეჟიმში შესრულებული სამუშაოების შესახებ ანგარიში მოითხოვოს.

ახალი რეგულაციების მიხედვით, მთავრობის მეთაური ვალდებული იქნება დეპუტატებს საქმიანობის ანგარიში წარუდგინოს. ოპოზიცია კანონპროექტს მხარს არ დაუჭერს, რადგან საკანონმდებლო ორგანოს როლის გაძლიერების პარალელურად მათთვის მიუღებელია, ჩანაწერი, რომლის მიხედვითაც ფრაქციებისა და კომიტეტების სხდომაზე მათ მინისტრთა კაბინეტის წევრების დაბარების შესაძლებლობა აღარ ექნებათ.

„მათ უნდათ, რომ სასათბურე მდგომარეობაში ამყოფონ მთავრობა ამოღებული ის პუნქტი, სადაც ფრაქციებში შეიძლება მინისტრების დაბარება . რეგლამენტი ისეა აწყობილი,რომ ოპოზიციას ფაქტობრივად არ ექნება შანსი რომ დაიბაროს მინისტრები და მოსთხოვოს მათ პასუხები,. ეს არის ოპოზიციის დაკნინების ერთ-ერთი ფორმა“-ამბობს „ნაციონალური მოძრაობის“ წევრი რომან გოცირიძე.

„ევროპული საქართველოს“ წევრი ამბობს, რომ მნიშვნელოვანი პრობლემაა ქუთაისისთვის საპარლამენტო ქალაქის სტატუსის გაუქმება:

„მიუღებელია, რომ ქუთაისი აღარ იქნება საპარლამენტო ცენტრად,. არის სხვა საკითხები, რაც ეხება მთავრობის პასუხისმგებლობის საკითხს, მინისტრების მოსვლას, ერტის მხრივ თითქოს ვალდებულება არის, რომ საჭიროების შემთხვევაში მოვიდნენ მინისტრები, მაგრამ იხსნება ვალდებულება, რომ მაგალითად ისინი ფრაქციებზე მოვიდნენ, შესაბამისად პოლიტიკური ჯგუფები მოკლებული იქნებიან შესაძლებლობას, დაუსვან მინისტრებს კითხვები“-ამბობს გიგი წერეთელი.