„ევროპული საქართველოს“ რიგებში ეხმაურებიან იმ ფაქტს, რომლის მიხედვითაც მმართველი გუნდი გაერთიანებულ ოპოზიციასთან კონსულტაციების გამართვას არ აპირებს. ელენე ხოშტარიას განცხადებით, ეს იმას ნიშნავს, რომ მმართველმა ძალამ საზოგადოების გზავნილი არ მიიღო:

„აბსოლუტურად არანაირი სიგნალი არ მიუღიათ საზოგადოებისგან ამ არჩევნებზე. საზოგადოებისგან, რომლის ძალიან დიდი ნაწილი არის განწყობილი საპროტესტოდ და ეს სიგნალი მათ მისცა საზოგადოებამ, რომ საზოგადოება უკმაყოფილოა „ქართული ოცნების“ უკონტროლო და ერთპიროვნული მმართველობით. მათ ვერ გაიგეს, რომ ყველა მინუს "ქართული ოცნება" ელოდება ისეთი ტიპის არჩევნებს და ისეთი ტიპის ხელისუფლების ცვლილებას, სადაც ვერავინ იქნება შეუზღუდავი უკონტროლო და მით უმეტეს ერთი ადამიანის სურვილით მოქმედი პოლიტიკური ძალა,“-ამბობს ელენე ხოშტარია.