14 წლის წინ გაუჩინარებული ბიჭის ცხედრის სამძებრო ღონისძიებები გორში - კულტურისა და დასვენების პარკში პოლიციელები არიან მობილიზებულნი

პოლიტიკა - 12:23, 03 Dec, 2018

1217

შინაგან საქმეთა სამინისტროს წარმომადგენლებმა გორში, 14 წლის წინ გაუჩინარებული 11 წლის ზაქრო ბერძნიშვილის ცხედრის სამძებრო სამუშაოები გორის კულტურისა და დასვენების პარკში დღეს განაახლეს.
როგორც ცნობილია, აღნიშნული სამუშაოების ჩატარება 8 წლის ნანა ბერიაშვილის მკვლელობაში ბრალდებული იაგო ნებიერიძის მიერ სამართალდამცველებისთვის მიცემული დამატებითი ჩვენების საფუძველზე დაიწყო. აღსანიშნავია, რომ ნებიერიძემ სამართალდამცველებს მოზარდის სხეულის სავარაუდო ადგილსამყოფელი თავად მიუთითა.

შინაგან საქმეთა სამინისტროში აცხადებენ, რომ ლევან სამხარაულის სახელობის ექსპერტიზის ბიუროს ტექნიკისა და ექსპერტების დახმარებით, ადგილზე უკვე ჩატარდა გეოსკანირება, რომელმაც პოლიციას დამატებითი ინფორმაცია მისცა ნიადაგზე სხვადასხვა დროს განხორციელებული ზემოქმედების შესახებ. მათივე განმარტებით, დადგენილია რამდენიმე სავარაუდო ლოკაცია, სადაც ამჟამად მიწის გათხრის სამუშაოები მიმდინარეობს. შგეხასნებთ, სამართადამცველებმა გორის კულტურისა და დასვენების პარკში მასშტაბური ოპოერაცია 16 ნოემბერს დაიწყეს. 11 წლის ზაქრო ბერძნიშვილი გორში, 2004 წლის 1-ელ ნოემბერს გაუჩინარდა. ოჯახს უცნობმა პირებმა გამოსასყიდი მოსთხოვეს. გაუჩინარებული ზაქრო ბერძნიშვილის საქმეში ფულის გამოძალვის ბრალდებით იაგო ნებიერიძე იხდიდა სასჯელს.