„ნაციონალური მოძრაობის“ სამეგრელოს რეგიონული ორგანიზაციის თავმჯდომარე მურთაზ ზოდელავა აცხადებს, რომ არჩევნებამდე ცოტა ხნით ადრე ხელისუფლებასა და შავ სამყაროს შორის გარიგება შედგა, რომელიც საარჩევნო ხმების სანაცვლოდ ციხიდან ვადაზე ადრე მათი მეგობრების გათავისუფლებას შეეხებოდა.

ზოდელავას ინფორმაციით, ამ პროცესს, ქალაქის მაყურებლებთან შეთანხმებით, შინაგან საქმეთა მინისტრი კურირებდა.

„ეს არჩევნები კი არ მოიგო, არამედ გააყალბა ხელისუფლებამ. დიდი ფულის მეშვეობით და აი ამ ფულის დარიგებაში ძალიან დიდი როლი შეასრულეს კრიმინალებმა. ე.წ. ძველმა ბიჭებმა. იმ ხალხმა ვისთან ალიანსიც დაუშვებელია. ისინი შეკრა ხელისუფლებამ, შექმნა მათგან ჯგუფები და ამ ჯგუფებმა დაიწყეს ეგ შავი საქმის კეთება. ორი კონკრეტული ამოცანა ჰქონდათ მიცემული მათ გახარიასგან, დაშინება, მუქარა და შიშის გარემოს შექმნა ამ ჯგუფებს ჰქონდა მონაცემები გაერთიანებული ოპოზიციის მხარდამჭერებთან დაკავშირებით და სწორედ მათზე ახორციელებდნენ ზეწოლას. ე.წ. ძველ ბიჭებს ასევე ევალებოდათ ამომრჩევლის მოსყიდვა.

მოსყიდვაში აქტიური მონაწილეობა ძველი ბიჭი იქნება ეს თუ მომპარავი, მაყურებელი უფრო მარტივად შედის კომუნიკაციაში და მარტივად დაიყოლიებს ხოლმე დანაშაულზე ადამიანს და მან იცის ვინ არის გაჭირვებული. მან იცის ვისთან შეიძლება ამით მისვლა. და ის იმავდროულად იმუქრება რომ თუ უარს მიიღებს ამ ადამიანისგან, რომ ამის გახმაურება არ შეიძლება. ეს გააკეთებინეს მათ „ქართულმა ოცნებამ. ივანიშვილმა, კონკრეტულად გახარიამ ივანიშვილის დავალებით,“-განაცხადა მურთაზ ზოდელავამ.