ამომრჩევლის მოსყიდვა - აშშ-ის სახელმწიფო დეპარტამენტის კრიტიკა საქართველოს მთავრობას

პოლიტიკა - 23:31, 01 Dec, 2018

1177

ამერიკის სახელმწიფო დეპარტამენტი საქართველოს მთავრობას ამომრჩევლის მოსყიდვის გამო აკრიტიკებს.

ადმინისტრაციული რესურსის გამოყენება, უკანონო აგიტაცია და სხვა დარღვევები - აშშ-ის სახელმწიფო დეპარტამენტი საერთაშორისო სადამკვირვებლო მისიების შეშფოთებას იზიარებს. აშშ-ს სახელმწიფო მდივნის ყოფილი მოადგილე, დევიდ ქრეიმერი, განმარტავს, რომ ეუთო-ს განცხადება საკმაოდ კრიტიკულია. ქრეიმერი მძიმე დარღვევად აფასებს არჩევნების პერიოდში ადმინისტრაციული რესურსის გამოყენებას და ივანიშვილის ფონდის განცხადებას, რომელიც მოქალაქეებისთვის ვალის განულებას უკავშირდება.

ჰადსონის ინსტიტუტის ანალიტიკოსი, რიჩარდ უეითზი, აღნიშნავს, რომ საპრეზიდენტო არჩევნები ძალიან მნიშვნელოვანი იყო, რადგან ბოლოჯერ აირჩიეს ქვეყნის პირველი პირი პირდაპირი წესით.

„ეს არჩევნები განიხილებოდა, როგორც ძალიან მნიშვნელოვანი, რადგან ბოლოჯერ ხდება, რომ პრეზიდენტი ძლიერია. საქართველოს მთავრობა ხაზს უსვამს საპარლამენტო სისტემაზე გადასვლის განზრახვას, რომ ჰქონდეს ძალიან ეფექტური კანონის უზენაესობა. თუკი ამ არჩევნებთან დაკავშირებით პრობლემები იქნება, მაშინ შეკითხვები მთელი ამ პროექტის შესახებ ჩნდება,“ - აცხადებს რიჩარდ უეითზი.