გაერთიანებული ოპოზიციის მიერ დაანონსებულ მასშტაბურ აქციას, რომელიც ხვალ რუსტაველის ამზირზე 15:00 საათზე უნდა გაიმართოს, „ლეიბორისტული პარტიის“ ლიდერი შალვა ნათელაშვილი მხარს უჭერს. შალვა ნათელაშვილი ხელისუფლებას მოუწოდებს, ორი თვის ვადაში დანიშნოს ხელახალი საპრეზიდენტო და ვადამდელი საპარლამენტო არჩევნები.

„შეუძლებელია ივანიშვილის რეჟიმი მოვიცილოთ მშვიდობიანი, დემოკრატიული საარჩევნო გზებით. ამიტომ საქართველოს ლეიბორისტული პარტია მხარს უჭერს მთელ ქვეყანაში მასობრივი საპროტესტო წინააღმდეგობის მოძრაობის დაწყებას და სრულ სოლიდარობას უცხადებს ხვალინდელი აქციის მონაწილეებს. მოვითხოვთ ორ თვეში ხელახალ საპრეზიდენტო არჩევნებს, გადაუდებელ ვადამდელ საპარლამენტო არჩევნებს,“ - განაცხადა შალვა ნათელაშვილმა.