თავდასხმის მცდელობა გაერთიანებული ოპოზიციისა ლიდერებსა და მხარდამჭერებზე - „ეროვნულ-დემოკრატიული პარტიის“ ლიდერის ბაჩუკი ქარდავას განცხადებით, კოალიცია და ალიანსი ხელისუფლებასა და ქუჩას შორის შედგა:

„რომ არა ფაქტი თაკო ჩარკვიანის მეუღლის და თაკო ჩარკვიანზე თავდასხმის შესახებ, ალბათ, მეც მოუმზადებელი აღმოვჩნდებოდი ამ სიტუაციისთვის იმიტომ, რომ ადამიანები აშკარად ცდილობდნენ კონფლიქტში შემოსვლას. თითქმის ყველა ლიდერმა გაერთიანებული ოპოზიციის, უკვე მიიღო მუქარის გზავნილები ტელეფონებით და მე ვერავინ დამარწმუნებს, რომ ეს არის შემთხვევითობა და რაიმე დამთხვევა. კოალიცია და ალიანსი ხელისუფლებასა და ქუჩას შორის შედგა და მსგავს ალიანსებს, ასეთი გაგრძელება აქვთ ხოლმე, აქ პასუხისმგებლობა მთლიანად ეკისრება საქართველოს ხელისუფლებას, პირველ რიგში შინაგან საქმეთა სამინისტროს და თუ ის დროულად ვერ განმუხტავს სიტუაციას, ამან შეიძლება ძალიან დიდ გართულებებამდე მიიყვანოს ჩვენი სახელმწიფოს ვითარება და მდგომარეობა“ - ამბობს ქარდავა.

შეგახსენებთ, რომ ქუთაისის აეროპორტში დღეს უცნობილი პირები თავს დაესხნენ თაკო ჩარკვიანსა და მის მეუღლეს, მოგვიანებით კი ცნობილი გახდა, რომ თავდასხმა სცადეს ედპ-ის ლიდერზე ბაჩუკი ქარდავაზეც.