საქართველოს შინაგან საქმეთა მინისტრი გიორგი გახარია გამოეხმაურა “რუსთავი 2”-ის ჟურნალისტსა და ოპერატორზე ძალადობისა და პროფესიულ საქმიანობაში ხელშეშლის ფაქტს, რომელსაც ადგილი ჰქონდა „ქართული ოცნების“ მხარდამჭერი მოძრაობის „არა ნაციზმის“ ოფისში.

„ჟურნალისტების საქმიანობა სრულად დაცულია და მათი თავისუფლება ჩვენს ქვეყანაში არის აბსოლუტური. ამიტომ, რა თქმა უნდა, ამ საქმეს ავიყვანთ კონტროლზე და დარწმუნებული ვარ, რომ ეს იქნება კიდევ ერთი პრეცედენტული მაგალითი, რომელიც კიდევ ერთხელ დაადასტურებს, რამდენად და რა ხარისხის თავისუფლება აქვთ ჟურნალისტებს ამ ქვეყანაში,“ - განაცხადა გიორგი გახარიამ.