"საქართველოს მყიფე დემოკრატია ზღვარზე ქანაობს" - ვრცელ სტატიას ამ სათაურით ყოველკვირეული ინგლისურენოვანი გაზეთი New Europe ავრცელებს.

ყოვლკვირეული ინგლისურენოვანი გაზეთი New Europe საქართველოს შესახებ ვრცელ სატატიას ავრცელებს, სადაც ნათქვამია, რომ საქართველოს მყოფე დემოკრატია ზღვარზე ქანაობს:

„ბოლო პირდაპირი საპრეზიდენტო არჩევნები მასშტაბური გაყალბებით გამოირჩეოდა. ივანიშვილის სიმდიდრის წყალობით, ქართული ოცნება იქცა საარჩევნო კამპანიის მანქანად, რომ მობილიზება გაეკეთებინა ვაჭრობის ყველა ინსტრუმენტის და გავლენა მოეხდინა მოსახლეობაზე გზავნილით, ის არის მმართველი პარტია და როგორც საბჭოთა კავშირში ხმა მისთვის უნდა მიეცათ.

ქართულმა ოცნებამ უწყვეტი სატელევიზიო რეკლამებით, სატელეფონო ზემოქმედებით, პლაკატებით და უცნაურად წარმოდგენილი ივანიშვილის გზავნილებით, 6 წელი ოპოზიციის დემონიზებას მოახმარა.

წლევანდელი საპრეზიდენტო არჩევნები არაფერი იყო, გარდა რეფერენდუმისა ქართული ოცნების ქვეყნის საქმეების არასწორად მართვის შესახებ.

არჩევნების წინ ივანიშვილმა ზურაბიშვილში ჩადებული ინვესტიცია გააორმაგა და განაცხადა, რომ მისი ფინანსური ინსტიტუტი 600 ათასამდე ადამიანს ვალებს ჩამოაწერდა“, - ნათქვამია პუბლიკაციაში.

სტატიაში საუბარია საქართველოში ვლადიმერ პუტინის უახლოესი მეგობრის, ვიქტორ მედვედჩუკის, ვიზიტზეც, რომელიც გავრცელებული ცნობით, ივანიშვილსა და სალომე ზურაბიშვილის საარჩევნო გუნდის წევრებს სტრატეგიის განსახილველად შეხვდა.

ავტორს საერთაშორისო დამკვირვებლების შეფასებებიც მოჰყავს, რომ არჩევნები არ იყო სამართლიანი და ზღვარმა, რომელიც ქართულმა ოცნებამ გადაკვეთა, ზარალი მიაყენა ხმის მიცემის პროცესის ლეგიტიმურობას.

„მმართველი გუნდი არ გაითვალისწინებს ოპოზიციის მოწოდებას, არ გახადოს ქვეყანა პუტინის რუსეთის სამხრეთ კავკასიურ ანალოგად და ზურგს შეაქცევს საქართველოს ევროატლანტიკურ ინტეგრაციას, ზურაბიშვილის არჩევა შესაძლოა, ქართული ოცნების დასასრულის დასაწყისი გახდეს“, - წერს ავტორი პუბლიკაციის ბოლოს.