„კითხვა მაქვს „ქართულ ოცნებასთან“ - ისევ ასე აპირებენ, რომ ცა ქუდად არ მიაჩნიათ და დედამიწა ქალამნად?“

„კითხვა მაქვს „ქართულ ოცნებასთან“ - ისევ ასე აპირებენ, რომ ცა ქუდად არ მიაჩნიათ და დედამიწა ქალამნად?“ - გიორგი ვაშაძე

პოლიტიკა - 16:52, 30 Nov, 2018

1222

გაერთიანებული ოპოზიციის ერთ-ერთი ლიდერის, გრიგოლ ვაშაძის საარჩევნო შტაბის ხელმძღვანელის, გიორგი ვაშაძის თქმით, კვირას მათ მიერ დაგეგმილი აქცია ოპოზიციის მხარდამჭერების მოთხოვნით ტარდება.

„კვირას იმიტომ ვიკრიბებით, რომ ჩვენი მხარდამჭერები გვთხოვენ მათთან კომუნიკაციას. ჩვენი მოთხოვნები გაჟღერებულია - ეს არის ვადამდელი საპარლამენტო არჩევნები და საარჩევნო გარემოს სრული ცვლილება. ეს არის იმ უკანონობების აღმოფხვრა ქვეყანაში, რაც ხდებოდა ბოლო ერთი თვის განმავლობაში, რასაც ვერ დავარქმევთ ვერც დემოკრატიას, ვერც არჩევნებს. ჩვენ ვაქვს აბსოლუტურად რაციონალური და სწორი მოთხოვნები.

და რაც ყველაზე მთავარია, მაქვს კითხვა „ქართულ ოცნებასთან“ - რას ფიქრობენ, როგორ ხედავენ ამ რთულ მდგომარეობას, რაშიც არის ქვეყანა. რა არის მათი გზავნილი. ისევ ასე აპირებენ, რომ ცა ქუდად არ მიაჩნიათ და დედამიწა ქალამნად? ისევ ისე აპირებენ გაგრძელებას? ამ არჩევნებს მთავარი ლეგიტიმაცია სჭირდება იმ 800 ათასი ადამიანისგან, ვინ ჩვენ და გრიგოლ ვაშაძეს დაგვიჭირა მხარი. ჩვენ ვერაფრით დავუშვებთ, რომ ეს იყოს ლეგიტიმური, არ შეიძლება, ქართული არჩევნების სტანდარტად იქცეს ის, რაც ხდებოდა ბოლო ერთი თვის განმავლობაში – აბსოლუტური, ტოტალური უკანონობა, მოსყიდვა, ყველა კანონის უგულებელყოფა. აქედან გამომდინარე, ჩვენ ვერაფრით ვერ ვცნობთ, რომ ეს არჩევნები არის ლეგიტიმური“, - ამბობს ვაშაძე.