ათონელის ქუჩაზე ორბელიანის სასახლეში დილიდან ინტენსიური სამუშაოები მიმდინარეობს. ახალ რეზიდენციას საქართველოს არჩეული მეხუთე პრეზიდენტისთვის ამზადებენ. ადგილზე მომუშავე არც ერთმა სპეციალისტმა არ იცის თუ როდის დასრულდება სამუშაოები.

„რა ვიცი, როდის დასრულდება. ვმუშაობ, რა შუაში ვარ, გეოდეზისტი ვარ,“ - ამბობს ერთ-ერთი ხელოსანი.

რესტავრატორები კი ამბობენ, რომ ათონელზე მდებარე შენობის რესტავრაციას, მინიმუმ, სამი დღე დასჭირდება.

ხელისუფლებას სამუშაოების სრულად დასამთავრებლად ორი კვირა აქვს.

დედაქალაქის მერი კი ამბობს, რომ ის ვერ გადაწყვეტს, სად განთავსდება პრეზიდენტის რეზიდენცია.

„დედაქალაქის მერი არ წყვიტავს მაგას, ვერ გეტყვით,“ - ამბობას კალაძე.