"რუსეთის სამეზობლოში არსებობს მთელი რიგი სახელმწიფოები, რომლებსაც არა აქვთ საშუალება, განვითარდნენ ისე, როგორც მათ სურთ და ამაზე თვალს ვერ დავხუჭავთ"- მერკელი

პოლიტიკა - 11:54, 30 Nov, 2018

1305

ანგელა მერკელის თქმით, ის არგენტინაში დიდი ოცეულის სამიტზე ვლადიმირ პუტინთან ქერჩის სრუტეში შექმნილი სიტუაციის განხილვას აპირებს. ამის შესახებ განცხადება ანგელა მერკელმა ბერლინში გამართულ ეკონომიკურ ფორუმზე გააკეთა. გერმანიის კანცლერის თქმით, გერმანია არ აპირებს, თვალი დახუჭოს იმაზე, რომ რუსეთის სამეზობლოში მყოფი ქვეყნები ვერ ახერხებენ განვითარებას ისე, როგორც მათ სურთ, მაგალითად ანგელა მერკელმა საქართელოც დაასახელა:

„ჩვენ შემოგვაქვს სანქციები რუსეთს წინააღმდეგ იმითვის, რომ ცხადად ვანახოთ, რომ ქვეყნებს, მიუდეხედავად იმისა, რომ ისინი რუსეთის საზღვრებთან ახლოს მდებარეობს, აქვთ დამოუკიდებლად განვითარების უფლება. ეს საერთაშორისო სამართლის საფუძველია. ხშირად მეკითხებიან, არის თუ არა რუსეთთან დაახლოების შესაძლებლობა. მეც მინდა, რომ ასე მოხდეს, მაგრამ ჩვენ უნდა ვადევნოთ თვალი იმას, რომ ქერჩის სრუტეში მომხდარი ინციდენტის სხგავსი ქმედებები არ განმეორდეს. თუკი შეხედავთ რუსეთის სამეზობლოს, საქართველოში არის სამხრეთ ოსეთი და აფხაზეთი, მოლდოვაში - დნესტრისპირეთი, აზერბაიჯანსა და სომხეთში - მთიანი ყარაბაღი, უკრაინაში - აღმოსავლეთ რეგიონები, ანუ არსებობს მთელი რიგი სახელმწიფოები, რომლებსაც არა აქვთ საშუალება, განვითარდნენ ისე, როგორც მათ სურთ და ჩვენ გერმანიაში ამაზე თვალს ვერ დავხუჭავთ.”- განაცხადა ანგელა მერკელმა.