ცხინვალის საოკუპაციო რეჟიმის დე ფაქტო პრეზიდენტი ანატოლი ბიბილოვი თვლის, რომ საპრეზიდენტო არჩევნების შემდეგ საქართველოს პოლიტიკის შეცვლა „სამხრეთ ოსეთის“ მიმართ ნაკლებად სავარაუდოა. ამის შესახებ მან რუსულ საინფორმაციო სააგენტო „ტასთან“ ინტერვიუში ისაუბრა:

„რა თქმა უნდა, თვალ-ყურს ვადევნებთ. პრინციპში ჩვენთვის აბსოლუტურად სულერთია, ვინ მოიგებს საქართველოს პრეზიდენტის არჩევნებს. ჩვენ გვესმის, რომ ეს არ აისახება საქართველოსა და სამხრეთ ოსეთის რესპუბლიკის ურთიერთობაზე. მე არ ვფიქრობ, რომ ხელისუფლებაში მოსული ზურაბიშვილი ან ვაშაძე დაიწყებს იმაზე ლაპარაკს, რომ საჭიროა სამხრეთ ოსეთის რესპუბლიკის აღიარება ან ძალის გამოუყენებლობის შესახებ მემორანდუმის გაფორმება. ჯერჯერობით სამხრეთ ოსეთის რესპუბლიკასთან ურთიერთობის დამყარების სურვილი არცერთს არ აქვს. შესაძლებელია, გარკვეული განცხადებები გაკეთდეს, მაგრამ ჩვენ არავითარ სიახლეს არ ველოდებით არცერთისგან. ჩვენ მთლანად ჩვენ ძალებს ვეყრდნობით და რუსეთის მხარდაჭერის იმედი გვაქვს.“- განაცხადა ბიბილოვმა.