"ეს არის ძალიან ცუდი რამ", "ასეთი ფორმით მომდევნო არჩევნების გამართვა არ იქნება მიზანშეწონილი"

"ეს არის ძალიან ცუდი რამ", "ასეთი ფორმით მომდევნო არჩევნების გამართვა არ იქნება მიზანშეწონილი" - NGO-ები

პოლიტიკა - 00:27, 29 Nov, 2018

990

არასამთავრობო ორგანიზაციების წარმომადგენლებმა წინასაარჩევნო პერიოდსა და არჩევნების დღეს გამოვლენილ დარღვევებზე ისაუბრეს. „საერთაშორისო გამჭვირვალობა-საქართველოს“ დირექტორმა, ეკა გიგაურმა და „სამართლიანი არჩევნების“ ხელმძღვანელმა, მიხეილ ბენიძემ განცხადებები გადაცემა „კვირის“ აქცენტების“ გააკეთეს.

სამოქალაქო სექტორის წევრებმა ამომრჩეველთა მოსყიდვის, ზეწოლისა და მუქარის ფაქტებზე გაამახვილეს ყურადღება.

„თუ ვისაუბრებთ წინასაარჩევნო პერიოდზე, სხვადასხვა ტიპის დარღვევების რაოდენობა უფრო მეტი გვქონდა, თუ ამას შევადარებთ პირველი ტურის წინა პერიოდს. ჩვენი მხრიდან ყველაზე დიდი პრობლემა მაინც იყო 600 ათასი ამომრჩევლისთვის ვალის ჩამოწერის ინიციატივა. ეს არის ამომრჩევლის მოსყიდვა და საგამოძიებო ორგანოებს მოვუწოდეთ, ეს საკითხი გამოიძიონ. იყო შემთხვევები სავარაუდო ზეწოლის, ამომრჩევლის მოსყიდვის. ის, რომ მთავრობა და მმართველი პარტია ასე იყენებდა სოციალურად დაუცველ მოქალაქეებს და ამაზე თამაშობდა, ეს არის ძალიან ცუდი რამ,“- განაცხადა ეკა გიგაურმა.

"სამართლიანი არჩევნების" აღმასრულებელი დირექტორის, მიხეილ ბენიძის შეფასებით, საარჩევნო კამპანია საკმაოდ მძიმე იყო.

"ასეთი ფორმით მომდევნო არჩევნების გამართვა და ასე გაგრძელება, არ იქნება მიზანშეწონილი,"- განაცხადა ბენიძემ.