"ქართული ოცნების" წევრი რომან კაკულია ეგზიტპოლებზე ფაყრდნობით კომენტარს აკეთებს და ამბობს, რომ ამომრჩეველმა მმართველ ძალას შანსი ბოლოჯერ მისცა.

“ჩემი სუბიექტური შეგრძნებაა, რომ ამომრჩეველმა ბოლოჯერ მოგვცა შანსი, რადგან ჩვენ ყველამ ვიცით, რომ ეს შედეგი დადგა იმ ადამიანების დამსახურებით, რომლებიც წინა ტურში არ მოვიდნენ. ესენი ოცნებაზე გულგატეხილი ადამიანები იყვნენ.

ეს ადამიანები, პირველ რიგში, მოიყვანა იმ საშიშროების გააზრებამ, რასაც ნაციონალური მმართვლობის დაბრუნება ჰქვია. მიუხედავად მათი მცდელობისა, რომ ტრანსფორმაცია განიცადეს და ისინი აღარ არიან ის პოლიტიკური ძალა, რომლის არსენალშიც ძალადობა აღარ არის, მათივე განცხადებები მოდიოდა წინააღმდეგობაში ამასთან.

სამწუხაროდ, არავის არ სჯერა ამ ქვეყანაში, რომ ნაციონალურ მოძრაობას არსენალში ძალადობა არ აქვს. ეს ხალხის ძირითადად ამან მოიყვანა. რადგან სხვა ძალა არ არის და ქართული ოცნებას სხვაზე მეტად აქვს პოტენციალი განვითრების რელსებზე გადაერთოს, უკანასკნელი შანსი მისცა ამომრჩეველმა”, - განაცხადა კაკულიამ.