საპრეზიდენტო არჩევნები 2018 დასრულდა - მეორე ტურის დასრულების შემდეგ გამოცხადებული ეგზიტპოლების თანახმად, მმართველი გუნდის მიერ მხარდაჭერილი კანდიდატი სალომე ზურაბიშვილი ლიდერობს.

აღნიშნული შეაფასა „ევროპული საქართველოს“ ერთ-ერთმა ლიდერმა ოთო კახიძემ:

"ივანიშვილი ცდილობს, რომ უარყოფითი რეიტინგის მქონე კანდიდატი, რომელიც არჩევნების პირველ ტურში ოპოზიციასთან დამარცხდა, ძალით დასვას პრეზიდენტად - კრიმინალური ავტორიტეტების, ადმინისტრაციული რესურსის და კოლოსალური ფულის გამოყენებით.

ამომრჩევლის ტოტალური მოსყიდვა, ზეწოლა, ძალადობა - ეს არის ოლიგარქის საარჩევნო რეცეპტი, რითაც წაგებული ხდება მოგებული და პირიქით.

როგორც წინასაარჩევნო პერიოდმა, ისე კენჭისყრის დღემ დაადასტურა, რომ ეს არ იყო სამართლიანი, დემოკრატიული და კონკურენტული არჩევნები და ჩვენმა ქვეყანამ გადადგა ნაბიჯი უკან.

საქართველოს უკეთესი მომავლისთვის ბრძოლა გრძელდება." - წერს ოთო კახიძე.