რას აპირებს ოპოზიცია - „გაერთიანებული ოპოზიციის საბჭო დაჯდება და მიიღებს გადაწყვეტილებას“

პოლიტიკა - 21:27, 28 Nov, 2018

944

გაერთიანებული ოპოზიციის საპრეზიდენტო კანდიდატის, გრიგოლ ვაშაძის საარჩევნო შტაბის ხელმძღვანელ გიორგი ვაშაძეს ბრიფინგზე კომენტარი საქართველოს მესამე პრეზიდენტის, მიხეილ სააკაშვილის განცხადებასთან დაკავშირებით სთხოვეს, რომელმაც საქართვლოს მოსახლეობას მოუწოდა, რომ არ აღიაროს არჩევნების შედეგები. გიორგი ვაშაძის თქმით, ამ დროისთვის მთავარი საკითხი ხმების დათვლა და დაცვაა, შემდგომ გეგმებზე კი გაერთიანებული ოპოზიციის საბჭო იმსჯელებს:

„ნებისმიერ შემდგომ გადაწყვეტილებასთან დაკავშირებით, ჩვენ სამოქმედო საკითხებზე გაერთიანებულ ოპოზიციას ყავს თავისი საბჭო, საბჭო დაჯდება და მიიღებს გადაწყვეტილებას ამასთან დაკავშირებით. მე მეტი კომენტარი არ შემიძლია გავაკეთო, ახლა ჩვენ გადართულები ვართ იმაზე, რომ თითოეული ოქმი მოვიტანოთ ჩვენს შტაბში, დავიცვათ თითოეული ხმა, დავითვალოთ თავიდან ბოლომდე შედეგები და შესაბამის სამოქმედო გეგმას აუცილებლად გაცნობებთ. ჩვენ ვითვლით ხმებს, მე ვარ შტაბის ხელმძღვანელი და ჩემი სამუშაო არის ახლა დღე და ღამე, ბოლომდე უნდა მივიყვანოთ, არანაირად არ ვაპირებთ, რომ შევეშვათ და დავთმოთ. თითოეულ ხმას დავითვლით, ამის შემდეგ გვექნება დამატებითი განცხადებები ნებისმიერ სამოქმედო გეგმაზე“- განაცხადა გიორგი ვაშაძემ.