საპრეზიდენტო არჩევნები 2018 - მეორე ტურის პირველადი ეგზიტპოლების მიხედვით, არჩევნებში სალომე ზურაბიშვილი იმარჯვებს. გაერთიანებული ოპოზიციის საარჩევნო შტაბში კომენტარი გააკეთა ნიკა მელიამ:

“ჩვენ ვიცით, რომ ძალიან ბევრმა უარი განაცხადა პასუხზე, შეუძლებელი ტერორი იყო, საარჩევნო უბანზე შესვლაც კი შეუძლებელი იყო, ბევრმა თავი შეიკავა, უნდა დაველოდოთ პირველ რიგში საბოლოო სურათს, ეს საბოლოო სურათი უნდა დავინახოთ პირველ რიგში ჩვენც, დაინახოთ ტქვენც, საერტაშრისო საზოგადოებამ, სამოქალაქო სექტორმა და ყველამ, მათ შორის გაერთიანებულმა ოპოზიციამ. ამიტომ, უახლოესი საათები ველოდებით საბოლოო სურათს. ცხადზე ცხადია, რა ხდებოდა არჩევნების დღემდე, წარმოუდგენელი, ენით აღუწერელი, საარაკო, ჯანსაღ გონებაში ვერ მოიხარშებოდა, ის სქემები, ძალადობის ახალი მეთოდები, შანტაჟი, მოსყიდვაზე აღარ მაქვს საუბარი, რამდენ ადამიანს გამოართვეს პირადობის მოწმობა, რამდენი ადამიანია, რომელსაც აუკრძალეს ეგრეთ წოდებულმა კრიმინალებმა, ვინც არიან მჭიდრო კავშირში შინაგან საქმეთა სამინისტროს მაღალჩინოსნებთან, დავინახეთ უნისონში მოქმედებდნენ შინაგან საქმეთა სამინისტროს მაღალჩინოსნები, ძველი ბიჭები და კრიმინალები. რამდენ ადამიანს უბრალოდ აუკრძალეს არჩევნებზე მისვლა, ეს არჩევნები ვერ იწოდება არჩევნებად, საარჩევნო პროცესზე უარი თქვა ხელისუფლებამ. მე არა ერთხელ მიტქვამს მათთვის, რომ თქვენ გამარჯვება უფრო დაგაზიანებთ, ვიდრე დამარცხება“, - განაცხადა ნიკა მელიამ.

მელიას განცხადებით, სამოქმედო გეგმაზე გაერთიანებული ოპოზიცია ერთობლივად იმსჯელებს და შესაბამის განცხადებას რამდენიმე საათში გააკეთებს.