ხმაური და კანონდარღვევა ზუგდიდში - ერთ-ერთ უბანზე სამაგიდო სიების წიგნი დაიკარგა

პოლიტიკა - 19:20, 28 Nov, 2018

882

ხმაურია ამ წუთებში ზუგდიდი მე-20 საარჩევნო უბანზე, სადაც ამომრჩეველთა სამაგიდო სია დაიკარგა. ადგილზე გაერთიანებული ოპოზიციის წარმომადგენლები მივიდნენ, თუმცა კომისიის თავმჯდომარემ უბნიდან "ეროვნულ დემოკრატიული პარტიის" ლიდერი ბაჩუკი ქარდავა იმ მოტივით გააძევა, რომ ის, თავმჯდომარი მტკიცებით, ალკოჰოლის ზემოქმედების ქვეშ იყო.

ბაჩუკი ქარდავა აცხადებს, რომ მან სამართალდამცავებს მიმართა, ალკოტესტზე შეამოწმონ, თუმცა პოლიცია ამას ამ დრომდე არ აკეთებს.
ქარდავა ამბობს, რომ ამ ინცინდენტის შემდეგ, (სამაგიდო წიგნის დაკარგვის) უბანზე არჩევნებს ლეგიტიმურობა ეჭვქვეშ დადგება.
"ამ ოქმის საფუძველზე გამომაძევეს, ჩაწერეს რომ ვარ ნასვამი, ვიქნევდი ხელებს და ვუშლიდი კომისიას ხელს, რაც სასაცილოა. რეალურად, დაგვიკავშირდა ამომრჩეველი, გვითხრა, რომ ხმის მიცემის უფლება არ მიეცა, მოვედით და უარესი აღმოჩნდა - სამაგიდო სია დაკარგულია. ამ უბანზე გამოვრიცხავ რომ არჩევნების შედეგი დადგეს. ეს ფაქტი ადასტურებს იმას, თუ როგორ თანხვედრაში არიან ცესკო, ქუჩა და შს სამინისტრო" - განაცხადა ბაჩუკი ქარდავამ.
ამომრჩევლები აღნიშნულ უბანზე ხმის მიცემას ვერ ახერხებენ, ამის მიუხედავად, კომისიის თავმჯდომარე ამბობს, რომ მოაწესრიგებელია უბანი, რის შემდეგაც ამომრჩეველი ხმის მიცემას შეძლებს. თუმცა, აარჩევნო უბნის დაკეტვამდე საკმაოდ ცოტა დრო რჩება.