ოზურგეთის მუნიციპალიტეტის სოფელ ნატანების #42-ე საარჩევნო უბანზე არჩევნებს ფაქტობრივად "ქართული ოცნების" კოორდინატორები ატარებენ.

მათთან ერთად ამომრჩეველზე ზეწოლას ახდენენ ის ადამიანები, ვინც არ არიან რეგისტრირებულები, როგორც დამკვირვებლები და უხეშად ერევიან ამომრჩევლის ნების გამოხატულებაში.

უბანი, საჯარო სკოლის შენობაში განთავსებული. ერთი ოთახში კომისია ზის, მეორეში კოორდინატორები, მესამე კი სამზარეულოდ აქვთ გამოყენებული.

ადგილზე მისულ ჩვენს გადამღებ ჯგუფს ამომრჩეველთა პირადი მონაცემებით კოორდინატორები საარჩევნო უბნის გვერდით ოთახში დახვდა.

დასმულ კითხვაზე თუ რატომ აქვთ მათ ეს სიები, ვინ გადასცათ და უბანში შესვლამდე რატომ კონტაქტობენ ამომრჩევლებთან, პასუხობენ, რომ ისინი კანონს არ არღვევენ.

რაც შეეხება კომისიის წევრებს, ისინი მუშაობაში ხელშეშლას ჟურნალისტების კითხვებში ხედავენ და არა იმ კოორდინატორების მუშაობაში, ვინც მათივე თქმით, არაფერს აშავებენ

"ხელს ნუ გვიშლით, ესენი რას აშავებენ, ზიან აქ გვერდით ოთახში და ამოწმებენ სიებს"-გვითხრა კომისიის წევრმა.