გორში, საარჩევნო უბანზე კამერები „დასკოჩეს“ და ცოცხი მიიტანეს

პოლიტიკა - 14:49, 28 Nov, 2018

922

ხელისუფლება არის ქაოსში, მათ იციან რომ არჩევნებს წააგებენ - ეს განცხადება გაერთიანებული ოპოზიციის ადგილობრივი ორგანიზაციის ერთ -ერთმა ლიდერმა სადგურის დასახლებაში მდებარე, პირველ საარჩევნო უბანთან გააკეთა. „ნიუპოსტის“ კორესპონდნეტის ცნობით, მედეა აბაშიძე, იმ დარღვევებზეც საუბრობს, რომელიც თავად შენიშნა. მისი განცხადებით, ხელისუფლების მხრიდან მიმდინარეობს ადმინისტრაციული რესურსის გამოყენება, ამომრჩევლის მოსყიდვა და მათი დაშინება. აბაშიძე იმასაც ამბობს, რომ შენობაში სადაც ხმის მიცემის პროცედურა მიმდინარეობს დალუქულია სათვალთვალო კამერები, რაც მის ეჭვებს, ,,ქართული ოცნების“ მხრიდან არჩევნების გაყალბების მცდელობასთან დაკავშირებით, უფრო ამყარებს. აბაშიძის განცხადებებს უპასუხა საუბნო საარჩევნო კომისიის თავმჯდომარემ, მარინე სურამელი განმარტავს, რომ არჩევნების დღეს კამერები არ უნდა მუშაობდეს და მისი გამორთვა კანონის შესაბამისად მოხდა. კომისიის თავმჯდომარე უბანზე რაიმე სახის დარღვევას გამორიცხავს და ამბობს, რომ ხმის მიცემის პროცესი შეფერხების გარეშე, მშვიდ ვითარებაში მიმდინარეობს. აქვე გეტყვით, რომ აღნიშნულ ობანზე უცნობმა მოქალაქემ ცოცხი მიიტანა და ღობეზე მავთულით მიაბა.