ახალქალაქში ერთ-ერთ საარჩევნო უბანზე ხმაურსა და დაპირისპირებას ჰქონდა ადგილი - სოფელ კუმურდოს 69-ე საარჩევნო უბანზე ადგილი ჰქონდა ფიზიკურ და სიტყვიერ დაპირისპირებას კომისიის თავმჯდომარესა და დამკვირვებელს, შმაგი ჩოხელს შორის.

საერთაშორისო ორგანიზაციის დამკვირვებელმა უბნიდან უცნობი პირის გასვლა მოითხოვა, რომელიც სამაგიდო სიებს ათვალიერებდა. დამკვირვებელმა აღნიშნული ფაქტის ტელეფონით გადაღება სცადა, აღნიშნულს აგრესია და დაპირისპირება მოჰყვა.

„შემოვიდა უბანზე უცხო პიროვნება, მივიდა რეგისტრატორებთან, სადაც არის სამაგიდო სიები და იმ სიებში იქექებოდა. მეორე დამკვირვებელმა იკითხა რა ხდებოდა და სურათის გადაღება უნდოდა და წამოვიდა აგრესია. მე ვუთხარი, რომ აქ რაღაც დარღვევას აქვს ადგილი და მე გადავიღებ ახლა ვიდეოს და ნახავს საზოგადოება. როგორც კი ეს ვთქვი ეგრევე წავიდა აგრესია,“-განაცხადა შმაგი ჩოხელმა.

კომისიის თავმჯდომარეის განცხადებით, მან შმაგი ჩოხელს აუხსნა, რომ გადაღება მოცემულ პერიმეტრზე არ შეიძლებოდა, რასაც დამკვირვებელი არ დაემორჩილა და სწორედ აღნიშნულმა გამოიწვია დაძაბულობა.