"ეს კანონდარღვევაა, თუ მართლა დაფიქსირდა" - ნინო ჩარკვიანი უბანზე დაფიქსირებულ ფოტოსურათებიანი სიებზე

პოლიტიკა - 12:35, 28 Nov, 2018

611

"სოციალურ-პოლიტიკური განვითარების ცენტრის" ხელმძღვანელი ნინო ჩარკვიანი ფოტოსურათებიანი სიების არსებობას კანონდარღვევას უწოდებს.

"ნიუპოსტის" კორესპონდენტის კითხვაზე: არის თუ არა კანონდარღვევა როდესაც "ქართული ოცნების" კოორდინატორებს თან აქვთ ამომრჩეველთა ფოტოებიანი სიები, რაზეც ჩარკვიანმა თქვა, რომ "მსგავსი ფაქტი მას არ დაუფიქსირებია".

"ეს კანონდარღვევაა, თუ ეს მართლა დაფიქსირდა. ასე მე ბევრი რამის თქმა შემიძლია... კანონდარღვევაა, როცა თქვენ კერძო პირის ავტომობილის გაღებას სთხოვთ პოლიციას. ასე შეგვიძლია ვთქვათ, რომ ამ ავტომობილში არის ყუმბარა და იქნებ გააღოთ - ეს ხო აბსურდია... თუ ვინმემ ამომრჩევლის ნების საწინააღმდეგოდ გამოიტანა მათი მონაცემები ეს კანონდარღვევაა"- აღნიშნა მან.

შეგახსენებთ, ჩუღურეთის 21-ე და მე-40 საარჩევნო უბნებზე „ქართული ოცნების“ აქტივისტებმა „ნიუპოსტის“ ჟურნალისტს სიტყვიერი შეურაცხყოფა მიაყენეს.
„შენ ჟურნალისტი არ ხარ“, - გაიძახოდა ქალბატონი, რომელიც ცდილობდა, რომ „ნიუპოსტის“ ჟურნალისტისთვის პროფესიული საქმიანობის შესრულებაში ხელი შეეშალა. ინციდენტი მას შემდეგ დაიწყო, რაც „ნიუპოსტის“ ჟურნალისტმა ერთ-ერთ ავტომანქანაში ამომრჩევლის ფოტოსურათებიანი სიები შენიშნა და შეეცადა, გაერკვია, რა სიები იყო.