"მოდით არჩევნებზე, თქვენი ბიულეტენი წყვეტს, თუ როგორ საქართველოში ვიცხოვრებთ"- გიორგი ვაშაძე ამომრჩეველს აქტიურობისკენ მოუწოდებს

პოლიტიკა - 09:36, 28 Nov, 2018

1748

საქართველოში პრეზიდენტის არჩევნების მეორე ტური მიმდინარეობს. თავისი არჩევანი უკვე დააფიქსირა გაერთიანებული ოპოზიციის საპრეზიდენტო კანდიდატის საარჩევნო შტაბის ხელმძღვანელმა. გიორგი ვაშაძის თქმით, საქართველომ დღეს უნდა აირჩოს სრულიად სხვა მომავალი. ვაშაძემ ამომრჩველს აქტიურობისკენ მოუწოდა და განაცხადა რომ სწორედ ამომრჩევლის ბიულეტენი წყვეტს, თუ როგორ საქართველოში ვიცხოვრებთ მომავალში:

„საქართველომ დღეს უნდა აირჩიოს სრულიად ახალი მომავალი, უნდა დავიწყოთ ახალი ფურცლიდან განვითარება. უნდა დავიწყოთ ის, რომ ხელისუფლება მართლაც ზრუნავდეს ხალხზე და არ იყოს ის რაც დღეს ხდება. რაც შეეხება თვითონ საარჩევნო მდგომარეობას, რაც პირველი ტურიდან მეორე ტურამდე ვიხილეთ ეს ალბათ მსოფლიო სახელმძღვანელოებში შევა, წინასაარჩევნო პროცესის, კანონთან ასეთი უდიერად მოპყრობა, ყველაფრის დარღვევა, რაც ვიხილეთ ჩვენი ოპონენტებისგან. მაგრამ ჩვენ მშვიდად, წყნარად მივედით მეორე ტურამდე. მთავარი რასაც მოვუწოდებ ამომრჩეველს, მოდით არჩევნებზე, მიიღეთ მონაწილეობა, იმიტომ რომ თქვენი ბიულეტენი წყვეტს, თუ როგორ საქართველოში ვიცხოვრებთ. ეს უნდა გვახსოვდეს ყველას.“- განაცხადა გიორგი ვაშაძემ.

ვაშაძემ დარღვევებზეც ისაუბრა და განაცხადა რომ მასიურად ფიქსირდება ისეთი ფაქტები, რომ ამომრჩეველს აიძულებენ გახსნილი ბიიულეტენით გამოვიდნენ ხმის მიცემის კაბინიდან. ვაშაძის თქმით, ყველა დარღვევა ფიქსირდება და მათ შესაბამისი რეაგირება მოჰყვება.