ნაძალადევის გამგეობის თანამშრომლების უკანონო ქმედება არჩევნების წინ - თანამშრომლები გამგეობის შენობაში არასამუშაო საათებში არჩევნების დეტალებს განიხილავენ. მათ თან აქვთ საარჩევნო სია, ამომრჩეველთა პირადი ნომრით და ფოტოთი, რაც კანონდარღვევაა.

შეხვედრაზე იმყოფებოდა საკრებულოს დეპუტატი "ქართული ოცნებიდან" ალექსანდრე ხუჯაძეც, რომელმაც კომენტარი არ გააკეთა.

ოპოზიცია დარწმუნებულია, რომ შეკრებილები დღეს გაყალბების სქემაზე მუშაობდნენ. მათ გამოჩენას ნაძალადევის გამგეობის შენობაში ხმაური მოჰყვა.

„როდესაც მე, საკრებულოს დეპუტატი მოვედი და ჩემი მანდატით მინდოდა რომ მომეთხოვა, რომ მე მაქვს დაუყოვნებლივ გამგეობის შენობაში გადაადგილების უფლება, როგორც პრეს სამსახურის თანამშრომელმა, ასევე დაცვის სამსახურის თანამშრომელმა შემიზღუდეს მე ეს უფლება. შემდეგ, ჩემი შესვლის შემდეგ, როდესაც ნებართვა მიიღეს გამგებლის მოადგილისგან, გვერდით კარებიდან შემოვიდა ადამიანი გონორით, რომ გაერკვია რა ხდებოდა, მაშველ რგოლად იყო გამოძახებულ. როდესაც ამ ადამიანს მე ვინაობა ვკითხე, მან ამიხსნა, რომ ის არის გამგებლის მოადგილის მეგობარი. გამგეობის შენობაში, მე დეპუტატს არ მიშვებენ, მაგრამ გამგებლის მეგობრებს თავისუფლად შეუძლიათ გვერდით კარიდან გადაადგილდნენ. ეს ადამიანი არის „ქართული ოცნების წარმომადგენელი, რომელიც იმ გაყალბების სქემას კურირებს, რომელიც ამ შენობაში, დღეს ხდებოდა,“ - განაცხადა მარიკა დათუკიშვილმა.