თბილისში, კრწანისის საარჩევნო ოლქის #16 უბანზე საარჩევნო კომისიის თავმჯდომარის მოადგილესა და გაერთიანებული ოპოზიციის დამკვირველელს შორის სიტყვიერი დაპირისპირება მოხდა. ამის შესახებ ინფორმაცია dzalaertobashia.ge-ის საიტზე ვრცელდება, რომელზეც არჩევნების მიმდინარეობისას დაფიქსირებული დარღვევები აღირიცხება.

„საარჩევნო კომისიის თავმჯდომარის მოადგილემ შორენა ძიძიგურმა მომაყენა ფიზიკური და სიტყვიერი შეურაცხყოფა, ორჯერ ტელეფონი გადამიგდო და დამარტყა. მისი აგრესია გამოიწვია ჩემმა მითითებამ რეგისტრატორის მაგიდები დაედგა ისე, რომ წარმომადგენლებსა და დამკვირვებლებს არ შეზღუდვოდათ კანონით გარანტირებული უფლება, დაკვირვებოდნენ სიაში რეგისტრაციის პროცესს. მაგიდები საარჩევნო უბანში დგას ისე, რომ შეუძლებელი იქნება რეგისტრატორების საქმიანობაზე დაკვირვება იმ მხრიდან, რომ ხელი არ შეეშალოს მათ საქმიანობას.“- აცხადებს დამკვირვებელი.