იაპონიაში შეკრებაზე მყოფ ქართველ ძიუდოისტებს შორის ჩხუბს ფედერაციის პრეზიდენტი არ ადასტურებს

სპორტი - 17:25, 27 Nov, 2018

10467

ოლიმპიური ჩემპიონი, ძიუდოისტი ლაშა შავდათუაშვილი, ქართველ ძიუდოისტთა შორის მომხდარ ფიზიკურ დაპირისპირებასთან დაკავშირებით გავრცელებულ ინფორმაციას უარყოფს და აცხადებს, რომ იაპონიაში ჩატარებულ ტურნირზე ასპარეზობა ტრავმის გართულების თავიდან აცილების მიზნით შეწყვიტა

„მოგესალმებით გულშემატკივრებო, მინდა გამოვეხმაურო გავრცელებულ დეზინფორმაციას ჩხუბთან დაკავშირებით და ვთქვა, რომ ინფორმაცია არ შეესაბამება სიმართლეს. ოსაკას გრანდ სლემზე ასპარეზობა ვერ მივიღე ტრავმის გართულების თავიდან ასაცილებლად.“- წერს ლაშა შავდათუაშვილი ინსტაგრამზე.

ძიუდოისტებს შორის მომხდარ ჩხუბს არ ადასტურებს არც საქართველოს ძიუდოს ფედერაციის პრეზიდენტი, გიორგი ათაბეგაშვილი. მისი თქმით ფედერაციაში რაიმე ტიპის საჩივარი ან განცხადება არ შესულა და არც არავის მიუმართავს.

„შესაბამისად, ჩვენ ამ ფაქტს არ ვადასტურებთ. თუ ვინმე წარმოადგენს რაიმე ტიპის მტკიცებულებას და ეს ფაქტი დადასტურდება, იქნება ჩვენი მხრიდან შესაბამისი რეაგირება.“- განაცხადა ძიუდოს ფედერაციის ხელმძღვანელმა.

საქართველოს ძიუდოისტთა ეროვნული გუნდის წევრები ლაშა შავდათუაშვილი და ვაჟა მარგველაშვილი ოსაკადან თბილისში დაგეგმილზე ადრე დაბრუნდნენ. გავრცელებული ინფორმაცით, მიზეზი ნაკრების წევრებს შორის მომხდარი დაპირისპირება იყო. როგორც სხვადასხვა ფეისბუკგვერდზე წერენ შავდათუაშვილსა და მარგველაშვილს ნაკრების დანარჩენი წევრებ დაუპირისპირდნენ. მიზეზი კი ბოლო პერიოდში ძიუდოს ფედერაციაში განვითარებული მოვლენები გახდა, როგორც ცნობილია ფედერაციის ხელმძღვანელობის წინააღდეგ გამართულ ძიუდოსიტების საპროტესტო აქციებში მონაწილეობისგან შავდათუაშვილი და მარგველაშვილი თავს იკავებდნენ. გავრცელებული ინფორმაციით დაპრისპირებაში არ მონაწილეობდა ძიუდოისტი გურამ თუშიშვილი.

როგორც სოციალურ ქსელში წერენ ხელჩართული ბრძოლისას მძიმე დაზიანებები მიიღო ოლიმპიურმა ჩემპიონმა ლაშა შავდათუაშვილმა.

საქართველოს ნაკრები ოსაკაში გრანდ სლემზე წარუმატებლად გამოვიდა, გუნდმა ვერცერთი მედლის მოპოვება ვერ მოახერხა მოახერხა, ნაკრების რამდენიმე წევრი ტურნირზე საერთოდ არ გამო ვიდა, ფედერაციამ მიზეზად ტრავმები დაასახელა.