20 ათასი დამკვირვებელი და მართვითი ცენტრი, სადაც დარღვევების შესახებ ინფორმაცია online შევა - გრიგოლ ვაშაძის შტაბმა ხმების დაცვის მექანიზმები შეიმუშავა

პოლიტიკა - 08:33, 28 Nov, 2018

978

გაერთიანებული ოპოზიციის საპრეზიდენტო კანდიდატის შტაბში იმ მექანიზმებზე საუბრობენ, რომლითაც ამომრჩეველთა ხმებს გაყალბებისგან დაიცავენ.

სპეციალურად არჩევნებისთვის შექმნილ მართვის ცენტრში ყველა დარღვევის შესახებ შტაბი შეტყობინებას 20 ათასი დამკვირვებლისგან ონლაინ რეჟიმში მიიღებს, რომელიც ქვეყნის მასშტაბით გადანაწილდებიან.

"რამდენიმე ფორმა აქვე შემუშავებული ქართული ოცნებას. პირველი არის მოსყიდვა. ჩვენი მობილური ჯგუფები აღჭურვილი იქნებიან ვიდეო საშუალებებით, აუდიო გადაღების საშუალებებით რომელიც მოგვცემს საშუალებას ონლაინ რეჟიმში დავაფიქსიროთ თითოეული ასეთი ფაქტი. შემდეგი ეს არის სომხური კარუსელი. გამაგრებული გვაქვს საარჩევნო უბნის თითოეული მონაკვეთი ისე რომ პრაქტიკულად შეუძლებელი იქნება თავისუფალი ბიულეტენის უკან გამოტანა, რის საშუალებითაც ხდება ე.წ;. სომხური კარუსელის დატრიალება,“-განაცხადა ლევან ბეჟაშვილმა.

რაც შეეხება ყალბი პირადობის მოწმობების გამოყენებას, გაერთიანებული ოპოზიციაში ამბობენ, რომ ხელისუფლებას 11 ათასი ადამიანი ჰყავს რეგისტრირებული, რომელიც ხმის მიცემას სხვადასხვა უბანზე შეეცდება. თუმცა როგორც გრიგოლ ვაშაძის შტაბში აცხადებენ, ოპოზიცია მმართველ გუნდს არჩევნების გაყალბების საშუალებას არ მისცემს.

„ნუ შეეცდებით გაყალბებას იმიტომ რომ ეს არის სისხლის სამართლის დანაშაული,“-განაცხადა გიორგი ვაშაძემ.