ლანჩხუთის ყოფილი გამგებლის, ზაზა ურუშაძის ყოფილი მოადგილე, ამჟამად "გირჩის" წარმომადგენელი ვახტანგ ზენაიშვილი აცხადებს, რომ ლანჩხუთის ერთ-ერთი უბნის კომისიის წევრი, გვარად გიორგაძემ, რომელიც ყოფილი პოლიციელის, გია ბოლქვაძის მეუღლეა, ამომრჩევლებს ატყუებს და სალომე ზურაბიშვილისთვის ხმის მიცემის მიზნით, მათ ეუბნება, რომ ბანკის ვალები აქვთ ჩამოწერილი.

ამის მტკიცებულებად ვახტანგ ზენაიშვილს მის სახლში, გუშინ მომხდარი ფაქტი მოჰყავს, როცა ზემოთაღნიშნული ქალბატონი დედამისთან მივიდა და უთხრა, რომ მის შვილს (ანუ, თავად ვახტანგ ზენაიშვილს. ავტ) და შვილისშვილს ბანკის ვალი ჩამოწერილი აქვთ:

"ძალიან გავბრაზდი და თავი შეურაცხყოფილად ვიგრძენი, როცა დედაჩემმა ეს მითხრა. რომ როგორც ქალბატონ კომისიის წევრს, გვარად გიორგაძეს უთქვამს თითქოს მე და ჩემს ძმის შვილს ბანკის ვალი გვაქვს ჩამოწერილი. ჯერ ერთი, ჩვენ არც ერთი არ ვართ ბანის პრობლემური მომხმარებელი და თუ რამე გვაქვს აღებული სესხად იმას ვიხდით პირნათლად და მერე ის, რომ რა შუაშია "ოცნების" კომისიის წევრები, ან კოორდინატორები ამ დავალინებასთან? უნდა იცოდეს ყველამ, რომ ჯერ ერთი ეს ვალების ჩამოწერა არის ტყუილი და უინტელექტოო, ბნელი ადამიანების მხრიდან გამოყენებული წინასაარჩევნო პიარი, ეს არის ბოლშევიკური "ოცნების" მხრიდან გათვლილი ხალხის მოტყუების მიზნით.

ჩემის აზრით, საქართველოს მომავალი არ უწერია, თუ ეს დეკლალირებულად სოციალისტური პარტია, არა მარტო ოდეებით, არამედ ადამიანური რესურსითაც, სწრაფად არ იქნება ჩამოშორებული, როგორც ქვეყნის მმართველები და ეს უნდა იცოდეს თითოეულმა მოქალაქემ, უნდა გააცნობიერონ, რომ თუ ამ პრობლემას არ მოიშორებენ დროულად, უახლოეს მომ,ავალში თავადვე დადგებიან უდიდესი და უმძიმესი პრობლემების წინაშე"-აცხადებს ზენაიშვილი.