ენმ-ს საწინააღმდეგო ბროშურები - აუდიტის სამსახური „პატრიოტთა ალიანსის“ დაჯარიმებას ითხოვს

პოლიტიკა - 21:10, 26 Nov, 2018

824

აუდიტის სამსახური „პატრიოტთა ალიანსის“ დაჯარიმებას ითხოვს. მაკონტროლებელმა ორგანომ წინასაარჩევნო შუალედური დასკვნა გამოაქვეყნა, რომელიც პირველი აგვისტოდან 28 ოქტომბრამდე პერიოდში საარჩევნო სუბიექტების მიერ გაწეულ ხარჯებს ასახავს.

ანგარიშში ნათქვამია, რომ „ნაციონალური მოძრაობის“ საწინააღმდეგო და სალომე ზურაბიშვილის მხარდასაჭერი ბროშურები, „პატრიოტთა ალიანსმა“ კანონის დარღვევით დაბეჭდა და გაავრცელა.

„საქართველოს ახალგაზრდა იურისტთა ასოციაციის საჩივრის საფუძველზე, მპგ „საქართველოს პატრიოტთა ალიანსის“ მიერ დამოუკიდებელი კანდიდატის სალომე ზურაბიშვილის სასარგებლოდ სააგიტაციო ბროშურების ბეჭდვის შესახებ. დაბეჭდილი ბროშურების ღირებულება 15,295 ლარის ოდენობით აუდიტის სამსახურის მიერ მიჩნეულ იქნა სალომე ზურაბიშვილის სასარგებლოდ განხორციელებულ აკრძალულ შემოწი- რულებად. „მოქალაქეთა პოლიტიკური გაერთიანებების შესახებ“ საქართველოს ორგანული კანონის342 მუხლის მე-2 პუნქტის შესაბამისად სამსახურის მიერ შედგენილია ადმინისტრაციული სამართალდარღვევის ოქმი, რომელიც გადაგზავნილია თბილისის საქალაქო სასამართლოში კანონით განსაზღვრული ორმაგი ოდენობის ჯარიმის დაკისრების მიზნით.“- აღნიშნულია ანგარიშში.