ზეწოლა ამომრჩეველზე და ნაყიდი ხმები - მმართველ პარტიას ოპოზიცია თანამედროვე ტექნოლოგიებს უპირისპირებს

პოლიტიკა - 19:41, 26 Nov, 2018

1007

გაერთიანებული ოპოზიციის საარჩევნო შტაბში იმ მექნიზმებზე ისაუბრეს, რითიც ოპოზიცია არჩევნების გაკონტროლებას და ამომრჩეველზე ზეწოლის სავარუდო ფაქტებზე რეგირებას აპირებენ. როგორც გრიგოლ ვაშაძის საარჩევნო შტაბის ხელმძღვანელის გიორგი ვაშაძის თქმით, არსებობს სისტემა, რომელიც გაყალბების მექანიზმის პარალიზებას მოახდენს.

„5 ცენტრი გვაქვს, სადაც ვიღებთ ყველა მონაცემებს უბნებიდან. ჩვენ ამით ავაწყეთ პარალელური ცენტრალური საარჩევნო კომისია.“- განაცხადა გიორგი ვაშაძემ.

გაერთიანებული ოპოზიციის შტაბში, არსებობს დარღვევების რუკა, რომელზეც ასახული იქნება ყველა დარღვევა.

ვაშაძე განაცხადებით, შტაბში გაანალიზებული და მონიშნულია ყველა ისეთი უბანი, რომელიც გაყალბებისთვის რისკზონას წარმოადგენს.

„ვადგენთ სად არის პრობლემა, სად შეიძლება მოახდინოს „ქართულმა ოცნებამ“ გაყალბება. 20 ათასი ამომრჩეველი რომ ჩასვეს ზუსტად ვიცით სად ჩასვეს. თითოეულ უბანზე შვიდი საათიდან ყოველ ნახევარ საათში და ერთ საათში გვექნება აღრიცხვა.

"ამის მონიტორინგს აკეთებს ჩვენი რაიონული შტაბები და სადმე თუ არის ხარვეზი არ მიდის ინფორმაცია ან მსგავსი, გვყავს მობილური ჯგუფები, რომელიც მიდის ადგილზე“-აღნიშნა გიორგი ვაშაძემ.

მისი თქმით, ამ სისტემაზე რამდენიმე ჰაკერული თავდასხმა განხორციელდა, თუმცა ის სრულიად გამართული და მყარად დაცულია.