ვაჰაგან ჩახალიანი ჯავახეთში დაბრუნდა და ხელისუფლების მიერ მხარდაჭერილი კანდიდატის სალომე ზურაბიშვილის საარჩევნო კამპანიაში ჩაება. აღნიშნულს „ნაციონალური მოძრაობის“ წევრი გიორგი ბარამიძე ეხმაურება.

გიორგი ბარამიძე ამბობს, რომ "ქართული ოცნება" მასთან პირდაპირ კავშირს ვაჰაგნ ჩახალიანის რეპუტაციის გამო უარყოფს.

“მას შემდეგ, რაც ის იყო ქართული სასამართლოს მიერ მხილებული და გასამართლებული, შესაბამისად ის ცდილობს რაღაცნაირად ეს აინაზღაუროს. ბუნებრივია, ყველაფერი ეს „ქართულ ოცნებას" ძალიან არ აწყობს იმიტომ, რომ ჩახალიანს მთელი საქართველოს იცნობს და ის ერთგვარად სიმბოლოდაც იქცა ანტისახელმწიფოებრივი მოქმედებებისა როგორც პირადად მისი, ასევე "ქართული ოცნებისა", რომელმაც პირადად გამოუშვა სამარცხვინოდ, ქართული სახელმწიფოს ინტერესების საწინააღმდეგოდ და ის ახლა რაღაც თავის მიზნებს ახორციელებს. დიდი ეჭვი მაქვს, რომ მას ძალიან სწრაფად გააჩერებენ იმიტომ, რომ მთლად ესეთი სულელებიც არ არიან „ქართულ ოცნებაში“, რომ მას ღიად დასჭირდეთ ჩახალიანის მხარდაჭერა,“ - განაცხადა გიორგი ბარამიძემ.