"არც ქსოვა არ მწყინს, არც კარტოფილის მოყვანა არ მწყინს... ბოლომდე არ მესმოდა რატომ არის ეს ნეგატივი"- რას აპირებს მარგველაშვილი პრეზიდენტობის შემდეგ

პოლიტიკა - 14:37, 26 Nov, 2018

2526

რას აპირებს საქართველოს მე-4 პრეზიდენტი გიორგი მარგველაშვილი საპრეზიდენტო ვადის დასრულების შემდეგ და რა ცვლილებები გამოიწვია მის პიროვნებაში ხუთწლიანმა პრეიზდენტობამ. ამის შესახებ პრეზიდენტმა გიორგი მარგველაშვილმა „საზოგადობრივი მაუწყებლის“ ჟურნალისტთან ქეთევან ქარდავასთან ინტერვიუში

„განსხვავებული შეხედულებები ყველა სხვადასხვა თემაზე, მაგრამ ერთიანობა ძირითად პრინციპებზე - ეს იყო ჩემი მიზანი. ამ მიზანს ვერ მივაღწიე. პიროვნულად როგორ შემცვალა და გავხდი ძალიან ნელი, დაცვას ვუწევ ანგარიშს. ბევრად სწრაფი ვიყავი, ახლა ნელა დავდივარ, ამან შემცვალა და მძიმე დაღი დაასვა ჩემ ფსიქიკას. ფიცის მერე ავუკრძალე ჩემს თავს, რომ გამექცეს სიტყვა ვინმეს შეურაცხყოფის ნაწილში, ახლა ამისგან ბუნებრივია გავთავისუფლდები.

ვიწყებ მომავლის დაგეგმვას და დავიწყე ისევ ჩემ პროფესიასთან მიბრუნება, რომელიც არის ერთის მხრივ ფილოსოფია, მეორეს მხრივ აკადემიური საქმიანობა და სწავლება.

არც ქსოვა არ მწყინს, არც კარტოფილის მოყვანა არ მწყინს, უბრალოდ როცა ამას ნეგატივში ამბობენ, ბოლომდე არ მესმოდა რატომ არის ეს ნეგატივი, მაგრამ მე არ შემოვფარგლურვარ არც ქსოვით და არც კარტოფილის მოყვანით, ან გოგრების და ბოლოკის. „პრავოდკა“, სანტექნიკა, ხეზე მუშაობა, „სვარკაზე“ მუშაობა, რკინაზე, ქვაზე, ეს არის ძალიან კარგი თერაპიული და პიროვნული ქმედება... შუშის გარდა ყველაფერზე, შუშა სულ მიტყდება, რასაც არ უნდა შევეხო.“- განაცხადა გიორგი მარგველაშვილმა