საქართველოს პრეზიდენტმა გიორგი მარგველაშვილმა „საზოგადობრივი მაუწყებლის“ ჟურნალისტ ქეთევან ქარდავასთან ინტერვიუში იმ მიზეზებზე ისაუბრა, რის გამოც საპრეზიდენტო არჩევნებში მონაწილეობასა და მეორე ვადით კენჭისყრაზე უარი თქვა . მან საქართველოს მოქალაქებს მადლობა გადაუხადა და ხაზი გაუსვა, რომ სწორედ მათი თანადგომით შეძლო 5-წლიანი ვადის გასვლა იმ ფონზე, როცა მას უპირისპირდებოდა როგორც ოპოზიცია, ასევე ხელისუფლება:

„დიდი მადლობა ამ 5 წლისთვის და მინდა, ვუთხრა, რომ დიდ ვალში ვარ მათთან. არ მგონია, რომ არცერთ სხვა საზოგადოებაში პრეზიდენტი, რომელთანაც არის დაპირისპირებული როგორც ძლიერი ოპოზიცია, ასევე ძლიერი სახელისუფლებო პარტია, სადმე სხვაგან სასახლშეში შესვლას კი არა, 5 წელს გაივლიდა ამ ფონზე. იმიტომ არ ვიყარე კენჭი, რომ პირველი: კონსტიტუციურად ძალიან შეზღუდული უფლებებია და მე ამას ეფექტურად ვეღარ განვახორციელებდი და მეორე: ზუსტად ვიცოდი პოლიტიკური ლანდშაფტი და რა ვითარება იყო, მე ვიცოდი რეალობა, უნდა ჩავმდგარიყავი ან ერთ, ან მეორე ბანაკში, ან უნდა ვყოფილიყავი ოცნებასთან, ან ნაციონალურ მოძრაობასთან. ამის გაკეთება ჩემი მხრიდან იქნებოდა პრინციპულად არასწორი, ერთი, რომ არანაირად ჩემს პოზიციას არ გამოხატავს არცერთი ჯგუფი, არც პოლიტიკური გემოვნებით, არც სტილით, არაფრით. და მეორე, არც თქვენს პოზიციას არ გამოხატავენ. აქედან გამომდინარე ჩემი ან ერთ, ან მეორე ჯგუფთან დადგომა არ იქნებოდა თქვენი სამსახური.“- განაცხადა გიორგი მარგველაშვილმა.