„ოცნების“ შტაბშიც კარგად ესმით, რომ Edison research-ის კვლევები ერთადერთი უტყუარი სოციოლოგიური კვლევაა“

„ოცნების“ შტაბშიც კარგად ესმით, რომ Edison research-ის კვლევები ერთადერთი უტყუარი სოციოლოგიური კვლევაა“ - ლევან ბეჟაშვილი

პოლიტიკა - 12:40, 26 Nov, 2018

484

საპრეზიდენტო არჩევნები და „ედისონ რისერჩის“ კვლევა - „ერთიანი ნაციონალური მოძრაობის“ წევრის ლევან ბეჟაშვილის განცხადებით, დღეს გავრცელებული ჩანაწერი ადასტურებს იმ გარემოებას, რომ მმართველი გუნდის რიგებშიც კარგად ესმით, რომ „ედისონ რისერჩის“ კვლევა არის ერთადერთი უტყუარი სოციოლოგიური კვლევა.

ბეჟაშვილი „ქართული ოცნების“ ერთ-ერთ შტაბში გაკეთებულ ფარულ ჩანაწერს გამოეხმაურა, საიდანაც დგინდება, რომ „ოცნებას“ რეგისტრირებულ მხარდამჭერებსა და რეალურად მიღებულ ხმებს შორის 40%-იანი ცდომილება აქვს.

„ეს ჩანაწერი კიდევ ადასტურებს იმ გარემოებას, რომ „ქართული ოცნების“ შტაბშიც კარგად ესმით, რომ Edison research-ის კვლევები არის დღეს ერთადერთი უტყუარი სოციოლოგიური კვლევა, რომელიც გამყარებულია პროფესიონალიზმით, გამოცდილებით და რაც მთავარია, წინა ტურის შედეგებიც და მუნიციპალური შედეგიდან გამომდინარე, ამ მეთოდოლოგიას აქვს ზუსტი ხასიათი. ამიტომ ხდება მათი მხრიდან ასეთი დატრენინგება კოორდინატორების, ხაზგასმა, რომ კვლევის შედეგების მიხედვით „ქართული ოცნება“ აგებს და შესაბამისად, ყველა ძალისხმევა უნდა მიმართონ სწორედ გაყალბებისკენ და მოსყიდვისკენ,“ - განაცხადა ლევან ბეჟაშვილმა.