კლანური დაპირისპირება „ქართულ ოცნებაში“ - რას ჰყვება მმართველი პარტიის წევრი

პოლიტიკა - 10:18, 26 Nov, 2018

2419

„ბაღდათში, „ქართული ოცნების“ წევრები ერთმანეთს დაუპირისპირდნენ“ - ამის შესახებ ინფორმაცია იმერეთის ახალი ამბების სააგენტო topnews.com.ge-ს თავად მმართველი გუნდის წევრმა მიაწოდა.

„ოცნების“ მხარდამჭერი ამბობს, რომ ბაღდათში მმართველი გუნდის წევრები ერთმანეთს საპრეზიდენტო არჩევნების პირველი ტურის წაგებაში სდებენ ბრალს.

მმართველი გუნდის მხარდამჭრის თქმით, საარჩევნო შტაბის წევრები კლანებად არიან დაყოფილი და შეთანხმებულად არ მუშაობენ.

"ქართული ოცნების" ბაღდათის შტაბის შემადგენლობა ერთმანეთს უპირისპირდება და არჩევნების წაგებას აბრალებენ. ასევე დანაწილებულია საშტაბო მუშაობები, თუმცა მაინც ვერ ახერხებენ კონსესუსის მიღწევას, რადგან თანხებს ვერ ინაწილებენ და შესაბამისად ორგანიზაციულ მუშაობაში ვერ ახერხებენ პროგრესს, მეტიც კლანებად არიან დაყოფილები და ვერ გაიგებ ვინ ვის გუნდშია და ვისზე მუშაობს, ამას ემატება ის რომ "ქართული ოცნების" შტაბი და არამარტო შტაბი, მერია და მერიის შესაბამისი სამსახურებიც "ნაციონალური მოძრაობის" მხარდამჭერებით არის გამოვსებული და შედეგიც სახეზეა, ის რომ ერთმანეთს ჭამენ და ვერ რიგდებიან. პარტიის ფულზე გლეჯენ ერთმანეთს და ისეთ სამსახიობო როლებს ირგებენ, რომ ვერავინ შეატყობს ერთი შეხედვით, თუმცა ძირი გამოულპათ უკვე და იციან, რომ ბაღდათში ივანიშვილი არ დატოვებს ამჟამინდელ ხელმძღვანელობას, ამიტომ ასწრებენ თანხების მითვისებას და წევრიანდებიან კლანებში, რომ თავი გადაირჩინონ, მაგრამ ამაოდ დასრულდება ყველაფერი. მე თვითონ ერთ-ერთი ზონის უფროსი ვარ, "ქართული ოცნებიდან". "- გვწერს წყარო, რომელმაც თავისევ უსაფრთხოებიდან გამოდმინარე გვთხოვა, რომ სახელი და გავრი არ ვახსენოთ.

მმართველი გუნდის წევრის თქმით, ბაღდათის შტაბის ხელმძღვანელობამ, ზონის უფროსებად და კოორდინატორებად უავტორიტეტო ხალხი შეარჩია.

"ზონის უფროსები და კოორდინატორები, რომელთა უმეტესობაც ახლა გვყავს უავტორიტეტო ხალხია, რომლებსაც პარტიიდან პარტიში სიარულის მეტი არაფერი უკეთებიათ და ამათ ენდობიან. ზუსტად ამიტომ, კლანური დაპირისპირებაში გადაიზარდა შტაბში ბრძოლა. თან საკრებულოს თავმჯდომარემ და მერმა გარკვეულ პირებს ხელი დააფარა და ისეთი ადამიანები დააწინაურა, რომლებიც 2016 წელს გამოჩნდნენ გაწყობილ სუფრაზე, 2012 წლის ბრძოლაში ერთი პატარა წვლილიც არ შეუტანიათ, გარდა იმისა რომ "ნაცების" მხარდამჭერები იყვნენ და არიან კიდევაც."- აცხადებს მმართველი გუნდის წევრი.