"რუსთავი 2"-ის დაკვეთით Edison research-მა ბოლო წინასაარჩევნო კვლევა ჩაატარა. კომპანიამ 12-დან 18 ნოემბრის ჩათვლით მთელი საქართველოს მასშტაბით ხმის მიცემის უფლების მქონე 2038 მოქალაქე გამოკითხა და მათ პირისპირი გამოკითხვის გზით დაუსვა შეკითხვები.

კითხვაზე როგორი მიმართულებით მიდის ქვეყანა? მხოლოდ 18% ფიქრობს, რომ საქართველო სწორი მიმართულებით ვითარდება. 73% თვლის, რომ ქვეყანა არასწორი გზით მიდის. 9%-მა კი, უბრალოდ, არ იცის.

კიდევ ერთი კითხვა საკონსტიტუციო ცვლილებებს ეხება. რამდენად ეთანხმებით საკონსტიტუციო ცვლილებას, რომელიც აუქმებს ხალხის მიერ პრეზიდენტის პირდაპირ არჩევას?-ამ კითხვაზე პასუხები ასე გადანაწილდა:

11-11 პროცენტი სრულიად ან ნაწილობრივ ეთანხმება ამ საკონსტიტუციო ცვლილებას.

15% - ნეიტრალური პოზიცია;

ყველაზე მეტი - 36% - ნაწილობრივ არ ეთანხმება;

ხოლო 22% კატეგორიულად არ ეთანხმება;

5%-ს პასუხი ან არ სურს ან არ აქვს.

კითხვაზე, უნდა გაიმართოს თუ არა რეფერენდუმი პრეზიდენტის არჩევის მეთოდთან დაკავშირებით? მოქალაქეების 78% დადებითი პასუხი აქვს. 10% კი მიიჩნევს რომ არა.

არ ვიცი -ასე კითხვაზე 12% პასუხობს.

ცდომილების ზღვარი ამ კვლევაში პლუს-მინუს ორი პროცენტია. კვლევის მეთოდოლოგია, დასმული კითხვების ზუსტი ფორმულირება და სხვა ინფორმაცია შეგიძლიათ იხილოთ ამ ბმულზე