საქრთველოს თავდაცვის მინისტრმა ლევან იზორიამ და შეიარაღებული ძალების გენერალური შტაბის უფროსმა,გენერალ-მაიორმა ვლადიმერ ჩაჩიბაიამ ავრანეთში „მტკიცე მხარდაჭერის“ მისიის შტაბ-ბინის ბაზაზე მე-4 მაქანიზებული ბრიგადის გაძლიერებული ასეულის პირად შემადგენლობას გიორგობის დღესასწაული მიულოცეს და ბაზაზე არსებულ ქართულ სამლოცველოს წმიდა გიორგის ხატი შეწირეს. თავდაცვის მინისტრმა და გენერალური შტაბის უფროსმა ქართული ასეულის მაღალი პროფესინალიზმი აღნიშნეს და მისიის წარმატებით შესრულებისთვის თითოეულ მშვიდობისმყოფელს მადლობა გადაუხადეს. ლევან იზორიამ ქართველ სამხედროებს თავდაცვის უწყებაში განხორციელებულ რეფორმებსა და დაგეგმილ პროექტებზე ესაუბრა. თავდაცვის მინისტრმა ლევან იზორიამ და შეიარაღებული ძალების გენერალური შტაბის უფროსმა,გენერალ-მაიორმა ვლადიმერ ჩაჩიბაიამ მე-4 მაქანიზებული ბრიგადის გაძლიერებული ასეულის სამხედრო მოსამსახურეები მედლებით „გენერალი კვინიტაძე“, „გენერალი მაზნიაშვილი“ და „სამშობლოსათვის თავდადებული“ დააჯილდოვა და ფასიანი საჩუქრები გადასცა.

ღონისძიება პატრიარქის ლოცვა-კურთხევით გადაღებულ ფილმის „წინაბრძოლის“ ჩვენებით გაგრძელდა. წმინდა გიორგის ცხოვრებისა და სასწაულების შესახებ გადაღებული ფილმი, ოფიციალურ პრემიერამდე, ავღანეთში ქართველი მშვიდობისმყოფელებისთვის გაიმართა. ფილმის წარმომდგენი საქართველოს საპატრიარქო და საქართველოს თავდაცვის სამინისტროა. ფილმი მისი უწმინდესობის მიერ დაწერილი მუსიკითა და მამა სერაფიმეს არამეული გალობით არის გაფორმებული.

ქართველ მშვიდებისმყოფელებთან შეხვედრას საქრთველოს შეიარაღებული ძალების გენერალური შტაბის უფროსის მოადგილე, ბრიგადის გენერალი შალვა ჯაბახიძე, სახმელეთო ჯარების აღმოსავლეთ სარდალი პოლკოვნიკი ალექსანდრე კიკნადძე, მე-4 მაქანიზებული ბრიგადის მეთაური ვიცე-პოლკოვნიკი ილია რაინდაშვილი, ავღანეთში საქართველოს შეიარაღებული ძალების ყოფილი უფროსი წარმომადგენელი, პოლკოვნიკი კახა ტაბატაძე და მისი ახალი შემცვლელი პოლკოვნიკი მალხაზ მერლანი ესწრებოდნენ.

მე-4 მაქანიზებული ბრიგადის გაძლიერებული ასეულის პირადი შემადგენლობა შეიარაღებული ძალების მთავარმა კაპელანმა მამა დავით ლონდარიძემ დალოცა.