"ვარდების რევოლუციის 15 წლისთავზე საქართველო ახალი გამოწვევების წინაშე დგას, ქვეყანას ურჩხული მოაჯდა"- მიხეილ სააკაშვილი

პოლიტიკა - 16:09, 23 Nov, 2018

1416

საქართველოს მესამე პრეზიდენტი ვარდების რევოლუციის 15 წლისთავს სპეციალური მიმართვით ეხმაურება.
მიხეილ სააკაშვილის თქმით, საქართველოს ურჩხული მოაჯდა, რომელსაც ქართველი ხალხი დაამარცხებს.
„15 წლის წინ ქართველმა ხალხმა მოახდინა ნამდვილი სასწაული, ყველას ეგონა, რომ შევარდნაძე იყო დაუმარცხებელი, სისტემა იყო მუდმივი, ჩვენს ქვეყანას არ ქონდა არანაირი პერსპექტივა წარმატების მიღწევის და წინსვლის, მაშინ ხალხმა ამ უიმედობას გადაუსვა ხაზი და გაათავისუფლა ჩვენი ქვეყანა. ვარდების რევოლუციამ მყარად დააბრუნა საქართველო მსოფლიო რუკაზე. ვარდების რევოლუცია იყო ჩვენი წარმატების, ჩვენი რეფორმების საწინდარი. საქართველომ დაიწყო წინსვლა და უფრო მეტი ბრუნდებოდა, ვიდრე მიდიოდა. ახალი ქალაქები აშენდა, საართველომ ირწმუნა საკუთარი ძალა და ეს ყველაფერი გააკეთა ქართველმა ხალხმა.
ახლა, 15 წლის თავზე გვაქვს დიდი გამოწვევა. საქართველოს ისევ მოაჯდა ურჩხული. ისევ შევარდნაძის ბევრი ძველი კადრი, ძველი სისტემა დაბრუნდა. ისევ მიგვათრევენ 90-იანებში და კიდევ უფრო უკან. ზუსტად ვიცი, ჩვენი ხალხი ახლაც დაანახებს მსოფლიოს საკუთარ თავმოყვარეობას, ღირსებასა და ყველას მართლაც განაცვიფრებს. საქართველოს აქვს უზარმაზარი პერსპექტივა. მწამს, ქართველი ხალხის, ჩვენი ბრძოლისუნარიანობის და გამძლეობის, ჩვენი გადარჩენის ინსტინქტის, ჩვენი გამარჯვებისკენ სწრაფვის. წმინდა გიორგი იყოს ამ ყველაფერში ჩვენი დამცველი. ჩვენ აუცილებლად გადავლახავთ ამ პრობლემებსაც. საქართველოს ყველაფერი გამოუვა, ჩვენ ყველაფერი გამოგვივა! დიდება საქართველოს, ღმერთი იყოს ჩვენი მფარველი“- გაბაცხადა სააკაშვილმა.